06.04.2026 | 13:24
Ինձ ֆրակցիայում ասում էին` վարչապետ ես բերո՞ւմ մեր վրա, վարչապետով սպառնում ես մեզ. Հայկ Սարգսյան․ ՏԵՍԱՆՅՈՒԹ
Դիվանագիտությամբ զբաղվելու փոխարեն՝ Հայաստանը հեծանվային սպորտն է զարգացնում. Լևոն Զուրաբյան․ ՏԵՍԱՆՅՈՒԹ
Քաղաքականություն
22.08.2024 | 20:00
Մարդիկ զբաղված են դիվանագիտությամբ, բոլորը, բացի ՀՀ իշխանություններից, այդ գործընթացի մեջ են՝ աշխարհում մեծ լարվածության հետ կապված։ Factor TV-ի հետ զրույցում այս մասին ասաց ՀԱԿ փոխնախագահ Լևոն Զուրաբյանը՝ անդրադառնալով ՌԴ նախագահ Վլադիմիր Պուտինի՝ Ադրբեջան այցին։
Զուրաբյանի խոսքով՝ Հայաստանը, դիվանագիտությամբ զբաղվելու փոխարեն, հեծանվային սպորտն է զարգացնում։
«Հայաստանն իրեն այնպես է պահում, կարծես աշխարհում ոչինչ չի կատարվում և հանգիստ կարելի է տրվել հաճույքներին։ Ադրբեջանն այսօր դառնում է շատ կարևոր ստրատեգիական դեր ունեցող երկիր։ Եթե ճկուն լինեինք, կարող էինք մենք անել։ Ադրբեջանը մեծ ախորժակ ունի և կարծում է, որ կարող է լուծել «Զանգեզուրի միջանցքի» խնդիրը, որից հետ չի կանգնելու»,- նկատում է Զուրաբյանը։
Նրա կարծիքով՝ եթե Հայաստանը չեղյալ համարի նոյեմբերի 9-ի եռակողմ հայտարարության տակ իր ստորագրությունը, ապա Բաքվին պատերազմը վերսկսելու առիթ կտա, քանի որ այս հայտարարությունը Լեռնային Ղարաբաղի հակամարտության գոտում ամբողջական հրադադարի և բոլոր ռազմական գործողությունների դադարի մասին է։ Զուրաբյանը նաև կարծում է, որ Ադրբեջանը միտումնավոր ձգձգում է խաղաղության պայմանագրի կնքումը և չի ուզում «թուլացած Հայաստանի հետ պայմանագիր կնքել»։
Հարցազրույցն ամբողջությամբ՝ տեսանյութում։
Արփի Հակոբյան
