27.05.2026 | 18:49
Հայաստանի Կիոկուշին կարատեի ֆեդերացիայի նախագահը՝ մարտարվեստների կարևորության և մարզիչների ճիշտ ընտրության մասին
Բելառուսում ՀՀ գործերի ժամանակավոր հավատարմատարը կանչվել է երկրի ԱԳՆ
Քաղաքականություն
21.08.2024 | 18:08
Բելառուսում Հայաստանի գործերի ժամանակավոր հավատարմատար Նարեկ Տիրատուրյանը հրավիրվել է այդ երկրի ԱԳՆ՝ Երևանում Բելառուսի դիվանագիտական ներկայացուցչության անցկացված բողոքի ակցիայի հետ կապված։ Այս մասին ԲԵԼՏԱ-ին հայտնել են Բելառուսի ԱԳՆ մամուլի ծառայությունից։
«Հայ դիվանագետը մանրամասն տեղեկացվել է Երևանում Բելառուսի դեսպանատան շենքի նկատմամբ մի խումբ անձանց կողմից իրականացված վանդալիզմի, Բելառուսի դիվանագիտական ներկայացուցչությանը հասցված վնասի և Հայաստանի իրավապահ մարմինների ակնհայտ անբավարար միջամտության մասին՝ դա կանխելու համար։ Բելառուսական կողմը ելնում է նրանից, որ վանդալները կբացահայտվեն, կփոխհատուցվի պատճառված վնասը և կպատժվեն Հայաստանի օրենսդրությամբ սահմանված կարգով»,- ասվում է նախարարության մամուլի ծառայության հաղորդագրությունում։
Հիշեցնենք՝ Բելառուսի նախագահ Ալեքսանդր Լուկաշենկոն «Россия» հեռուստաալիքին տված հարցազրույցում անդրադառնալով Հայաստանի իշխանության վարած քաղաքականությանը՝ ասել է. «Դե, հայերը, մեզնից բացի, ո՞ւմ են պետք։ Նրանք ոչ մեկին պետք չեն։ Թող իրենց տնտեսությունը զարգացնեն ու իրենց ունեցածի վրա կենտրոնանան։ Ի՞նչ Ֆրանսիա, ի՞նչ Մակրոն։ Վաղը Մակրոն չի լինի, և բոլորը կմոռանան այդ Հայաստանի մասին»:
Լուկաշենկոյի այս հայտարարությունն էլ ՀՀ-ում բողոքի ակցիայի պատճառ է դարձել։
