07.10.2026 | 20:18
Ավինյանի խոստումից 4 ամիս անց․ ինչու է դադարել Արին Բերդի փողոցի 1 մլրդ դրամանոց հիմնանորոգումը. ՏԵՍԱՆՅՈՒԹ
ՌԴ ԿԸՀ-ն հետաձգել է Կուրսկի սահմանամերձ շրջաններում ՏԻՄ ընտրությունները
Քաղաքականություն
21.08.2024 | 20:43
ՌԴ Կենտրոնական ընտրական հանձնաժողովը հայտարարել է Կուրսկի մարզի վեց շրջաններում և մեկ քաղաքում, որտեղ օգոստոսի սկզբից շարունակվում է Ուկրաինայի Զինված ուժերի հարձակումը, տեղական ինքնակառավարման մարմինների ընտրությունները հետաձգելու մասին, գրում է Meduza-ն։
Սեպտեմբերի 8-ին՝ միասնական քվեարկության օրը նշանակված ընտրությունները չեն կայանա Բելովսկի, Բոլշեսոլդացկի, Գլուշկովսկի, Կորենևսկի, Սուդժանսկի, Խոմուտովսկի շրջաններում և Լգով քաղաքում։
«Ընտրությունների նախապատրաստման և անցկացման գործընթացը կվերսկսվի ընտրողների անվտանգության լիակատար երաշխիքով»,- ասված է ԿԸՀ հաղորդագրության մեջ։
Միաժամանակ, Կենտրոնական ընտրական հանձնաժողովը չի չեղարկել Կուրսկի մարզի նահանգապետի ընտրությունների քվեարկությունը։ ԿԸՀ որոշմամբ՝ այս ընտրություններում վաղաժամ քվեարկել հնարավոր կլինի օգոստոսի 28-ից։
Նախօրեին «Верстка»-ն, հղում անելով սեփական աղբյուրներին, հայտնել էր, որ իշխանությունները մտադիր են Կուրսկի մարզում ընտրությունները տեղափոխել մինչև 2025 թվականը։
Ուկրաինական զորքերն օգոստոսի 6-ից հարձակողական գործողություններ են իրականացնում Կուրսկի սահմանամերձ շրջաններում։ Ուկրաինայի իշխանությունները պնդում են, որ վերահսկում են տարածաշրջանի 92 բնակավայր՝ 1250 քառակուսի կիլոմետր տարածքով։ Օգոստոսի 10-ից Կուրսկի, Բելգորոդի և Բրյանսկի շրջաններում գործում է «հակաահաբեկչական գործողության ռեժիմ»։
