Քաղաքականություն
21.08.2024 | 14:55
Իրանում վթարի է ենթարկվել շիա ուխտավորներին Պակիստանից Իրաք տեղափոխող ավտոբուսը, որի հետևանքով առնվազն 28 մարդ է զոհվել, ավելի քան 20-ը՝ վիրավորվել։ Այս մասին հայտնում է ISNA գործակալությունը։
«Դեպքը տեղի է ունեցել նախորդ գիշեր Յազդ նահանգի Դեհշիր-Թաֆթ մայրուղում։ Պատահարի հետևանքով ավտոբուսի 28 ուղևոր է զոհվել, ևս 23-ը՝ վիրավորվել»,- ասվում է հաղորդագրության մեջ։
Նշվում է, որ ավտոբուսը մուտք է գործել երկրի արևելյան սահմաններից և շարժվել դեպի Իրանի և Իրաքի արևմտյան սահման։
Վթարից մի քանի րոպե անց դեպքի վայր են ժամանել բժիշկներն ու ճանապարհային ոստիկանները։ Ճանապարհային ոստիկանության մասնագետների նախաքննությամբ պարզվել է, որ ավտոբուսի շրջվելու հիմնական պատճառն արգելակման համակարգի տեխնիկական անսարքությունն է, և մայրուղու մեծ թեքության պատճառով վարորդը կորցրել է մեքենայի կառավարումը։
