28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Կառավարությունն, ըստ էության, դրսևորեց բարձր պրոֆեսիոնալիզմ և ադեկվատություն․ Արփինե Հովհաննիսյան․ ՏԵՍԱՆՅՈՒԹ
Քաղաքականություն
07.09.2018 | 11:37
Կառավարությունն ընդունել է բոլոր այն առաջարկները, որոնք Ազգային ժողովի պատգամավորները ներկայացրել են ընտրակեղծարարությունը քրականացնող նախագծի վերաբերյալ։
Այս մասին այսօր Ազգային ժողովում ասաց ԱԺ փոխնախագահ Արփինե Հովհաննիսյանը՝ շնորհակալություն հայտնելով գործադիրին իրենց ներկայացրած բոլոր առաջարկություններն ընդունելու համար։
«Խոսքը վերաբերում է և՛ կաշառքի առաջարկ խոստումն ընդունելու ձևակերպմանը, և՛ խոստումի հիման վրա այլ առարկայի հրապարակմանը, և այլ առարկայի հստակեցմանը, և՛ մյուս առաջարկներին։ Փաստորեն, Կառավարությունն, ըստ էության, դրսևորեց բարձր պրոֆեսիոնալիզմ և ադեկվատություն, արձագանքեց այն իրավական մտահոգություններին, որոնք մենք ունեինք, և նախագիծը դարձավ իրավաբանորեն ճիշտ և գրագետ»,-ասաց Արփինե Հովհաննիսյանը։
ԱԺ փոխնախագահը նաև Կառավարությանը հորդորեց ավագանու ընտրությունների ժամանակ ձեռնարկել առավելագույնը, որ նախորդ ընտրության ժամանակ կիրառված տեսախցիկները օգտագործվեն՝ որպես թափանցիկության և վստահության բարձրացման մեխանիզմ։
«Ուզում եմ հույս հայտնել, որ մենք այս առումով հետ քայլ չենք արձանագրելու»,-ասաց Ա․Հովհաննիսյանը։
Մանրամասները՝ տեսանյութում։
