09.09.2026 | 13:37
Մարիա Կարապետյանը՝ Արտաքին հարաբերությունների մշտական հանձնաժողովի փախնախագահ
Իսրայելցի զինվորականները Գազայի հատվածում 6 պատանդի դի են հայտնաբերել
Քաղաքականություն
20.08.2024 | 17:59
Իսրայելի պաշտպանության ուժերն ու երկրի անվտանգության ծառայությունը գիշերը Գազայի հատվածում համատեղ գործողություն են իրականացրել, որի ընթացքում Խան Յունիս շրջանից հայտնաբերել են վեց պատանդների դիեր, գրում է VOA-ն։
Կառույցների համատեղ հայտարարության մեջ նշվում են պատանդների անունները՝ Յագև Բուխշտաբ, Ալեքսանդր Դանցիգ, Աբրահամ Մունդեր, Յորամ Մեցգեր, Նադավ Փոփլեվել և Հայմ Փերի։
Դատական բժշկության ազգային ինստիտուտի և Իսրայելի ոստիկանության կողմից նույնականացումից հետո զոհերի ընտանիքները ծանուցվել են:
Իսրայելի վարչապետ Բենիամին Նեթանյահուն X-ում հրապարակված հայտարարության մեջ ցավակցություն է հայտնել զոհված պատանդների ընտանիքներին։
«Այսօր մեր ուժերը վերադարձրել են ՀԱՄԱՍ ահաբեկչական կազմակերպության կողմից պահվող վեց առևանգվածների դիերը։ Մեր սրտերը ցավում են այս սարսափելի կորստի համար»,- գրել է նա՝ շնորհակալություն հայտնելով ուժայիններին քաջության և վճռականության համար:
