09.09.2026 | 13:07
Օդի ջերմաստիճանը Հայաստանում կբարձրանա 6-8 աստիճանով
Ադրբեջանում ընթանում են Պուտինի և Ալիևի նեղ ձևաչափով բանակցությունները
Քաղաքականություն
19.08.2024 | 14:24
Ռուսաստանի և Ադրբեջանի նախագահներ Վլադիմիր Պուտինի ու Իլհամ Ալիևի միջև նեղ կազմով բանակցություններ են ընթանում Բաքվի մերձակայքում գտնվող Զագուլբա նստավայրում, հաղորդում է ՌԻԱ Նովոստիին։
Երկու երկրներն ունեն համատեղ աշխատանքի բազմաթիվ ոլորտներ․ դա ոչ միայն էներգետիկան է, այլև արդյունաբերական համագործակցությունը, տրանսպորտը, լոգիստիկան, թեթև արդյունաբերությունը, հանդիպմանը մեկնարկին նշել է ՌԴ ղեկավարը։
Պուտինը, միաժամանակ, հավելել է, որ ընթացիկ ապրանքաշրջանառությունը դեռևս չի համապատասխանում երկու երկրների հնարավորություններին։
Իր հերթին, Իլհամ Ալիևը նշել է, որ Մոսկվան և Բաքուն, բացի էներգետիկայից և տրանսպորտից, համագործակցում են նաև հումանիտար և շատ այլ ոլորտներում, նաև վստահություն հայտնել, որ Պուտինի ժամանումն օգտակար կլինի երկկողմ հարաբերությունների համար։
«Այսօր պետական այցի շրջանակում մենք շարունակում ենք մեր շփումը, ըստ էության, երեկվանից ենք սկսել և մտքերի հանգամանալից փոխանակում ենք ունեցել երկկողմ օրակարգի և տարածաշրջանային անվտանգության կարևոր հարցերի շուրջ։ Այսօր մենք շարունակելու ենք հանդիպումը և՛ նեղ, և՛ ընդլայնված ձևաչափով։ Ես շատ գոհ եմ մեր երկրների փոխգործակցության մակարդակից։ Դաշնակցային համագործակցության մասին հռչակագիրը, որը մենք ստորագրել ենք 2022 թվականի փետրվարին, հաջողությամբ իրականացվում է»,- ասել է նա։
