09.09.2026 | 10:58
Գազամատակարարման պլանային դադարեցումներ Արագածոտնի, Շիրակի և Լոռու մարզերում
Հայտնաբերվել է 5 հետախուզվող․ գրանցվել է զենք-զինամթերքի կամավոր հանձնման 1 դեպք․ ՆԳՆ
19.08.2024 | 13:35
Ըստ ոստիկանության օպերատիվ հաղորդագրությունների ամփոփագրերի՝ օգոստոսի 16-ից 19-ը ՆԳՆ ոստիկանության ստորաբաժանումները բացահայտել են հանցագործության 235 դեպք, որից 7-ը՝ նախկինում կատարված․ տեղեկացնում են ՆԳՆ ոստիկանությունից։
Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու՝ 48, մարմնական վնասվածք պատճառելու՝ 25, ֆիզիկական ներգործության՝ 23, թմրանյութի հայտնաբերման՝ 19, գույքը ոչնչացնելու կամ վնասելու՝ 17, հոգեկան ներգործության և խարդախության՝ 16, անձնական ունեցվածքի գողության` 13, ինքնիրավչության՝ 6, շորթման, զենք-զինամթերքի առգրավման, սառը զենքի հայտնաբերման ու փաստաթղթի կեղծիքի՝ 4-ական, թմրանյութի իրացման, շրջանառությունն արգելված թմրամիջոցներ, հոգեմետ, խիստ ներգործող կամ թունավոր նյութեր պարունակող բույսեր ցանելու կամ աճեցնելու և աշխատանքի պաշտպանության կանոնները խախտելու՝ 3-ական, կողոպուտի, ապօրինի ձեռնարկատիրական գործունեության, պաշտոնեական լիազորությունների չարաշահման, բուժաշխատողի մասնագիտական պարտականությունները չկատարելու ու ինքնավնասման՝ 2-ական, մարդու առևանգման, բնակարանային գողության, խուլիգանության, 16 տարին չլրացած անձի նկատմամբ սեքսուալ բնույթի գործողություններ կատարելու, անվտանգության պահանջներին չհամապատասխանող հումքերի կամ ապրանքների շրջանառության, աշխատանքների կատարման կամ ծառայությունների մատուցման, փաստաթղթեր, դրոշմներ, կնիքներ, ձևաթղթեր կեղծելու կամ կեղծ փաստաթղթեր, դրոշմներ, կնիքներ, ձևաթղթեր իրացնելու, պատրաստելու կամ օգտագործելու, թմրամիջոցի մաքսանենգության, հետաքննության մարմնի նկատմամբ բռնություն գործադրելու, անձին ազատությունից զրկելու և դատական ակտը չկատարելու՝ 1-ական դեպք։
Նախկինում կատարված հանցագործության դեպքերից բացահայտվել է անձնական ունեցվածքի գողության` 3, անձի տիրապետությունից դուրս եկած գույքին տիրանալու՝ 2, մարմնական վնասվածք պատճառելու և ճանապարհատրանսպորտային պատահարի` 1-ական դեպք։
Հայտնաբերվել է 5 հետախուզվող, կամավոր ներկայացել՝ 4-ը։
Գրանցվել է զենք-զինամթերքի կամավոր հանձնման 1 դեպք։
Անցած 3 օրվա ընթացքում հանրապետությունում արձանագրվել է ճանապարհատրանսպորտային 35 պատահար. 5 մարդ զոհվել է, 50-ը՝ ստացել տարբեր աստիճանի մարմնական վնասվածքներ։
