27.05.2026 | 21:00
Ինչ զինատեսակներ է ՀՀ-ն արտադրել․ RISE-2026 ցուցահանդեսում կցուցադրվեն արտադրանքներ․ ՈՒՇԱԴՐՈՒԹՅԱՆ ԿԵՆՏՐՈՆՈՒՄ
ԵՄ-ն կդիտարկի Իսրայելի կառավարության անդամների դեմ պատժամիջոցներ կիրառելու հարցը
Քաղաքականություն
16.08.2024 | 22:59
ԵՄ-ն կքննարկի Իսրայելի կառավարության անդամների դեմ պատժամիջոցներ կիրառելու հարցը Հորդանան գետի արևտյան ափի Ջիթ գյուղում պաղեստինցիների վրա իսրայելցի վերաբնակիչների հարձակումներից հետո, X-ում գրել է եվրոպական դիվանագիտության ղեկավար Ժոզեպ Բորելը:
«Մենք դատապարտում ենք վերաբնակիչների հարձակումները Ջիթ գյուղում, որոնք ուղղված են պաղեստինցի խաղաղ բնակիչներին ահաբեկելուն։ Ես հաստատում եմ իմ մտադրությունը՝ պատժամիջոցներ առաջարկել նրանց դեմ, ովքեր ապահովում են ագրեսիվ վերաբնակիչների գործողությունները, այդ թվում՝ ընդդեմ Իսրայելի կառավարության որոշ անդամների»,- գրել է Բորելը:
Նա Իսրայելի կառավարությանը կոչ է արել դադարեցնել «ագրեսիվ վերաբնակիչների կողմից անընդունելի բռնությունը», որն «օր օրի իրականացվում է լիակատար անպատժելիության վիճակում» և «վտանգում է խաղաղության ջանքերը»։
Ավելի վաղ Բորելը հայտնել էր, որ պատժամիջոցներ կարող են կիրառվել, մասնավորապես, Իսրայելի ազգային անվտանգության նախարար Իտամարա Բեն Գվիրայի դեմ։
The Israeli government must stop these unacceptable actions immediately..
— Josep Borrell Fontelles (@JosepBorrellF) August 16, 2024
I confirm my intention to table a proposal for EU sanctions against violent settlers’ enablers, including some Israeli government’s members. 2/2
