15.12.2024 | 14:24
Սոթքում 2022-ի ռազմական ագրեսիայից հետո բնակիչներին են հանձնվել նորակառույցների բանալիները. ՏԵՍԱՆՅՈՒԹ
Նախկին սպա Արամ Աղայանը վաղաժամկետ ազատ է արձակվել
06.09.2018 | 21:10
2 տարի 6 ամսվա ազատազրկման դատապարտված լեյտենանտ Արամ Աղայանն ազատ է արձակվել: Այս մասին իր ֆեյսբուքյան էջում տեղեկացրել է Աղայանի փաստաբան Արայիկ Պապիկյանը:
«Արամ Աղայանն ազատության մեջ է: Դատարանը Արամին վաղաժամկետ ազատեց պատժի հետագա կրումից»,- գրել է նա:
Ինչպես տեղեկացնում է hetq.am-ը, համաձայն դատավճռի` 2015 թվականի սեպտեմբերի 7-ի լույս 8-ի գիշերը հերթապահ, լեյտենանտ Արամ Աղայանը, տեսնելով, որ թիվ 1 պահակակետում պարեկ կարգված, շարքային Ռուդիկ Գրիգորյանը դեռ զորանոցում քնած է, գնացել է զորանոց նրան արթնացնելու համար:
Լեյտենանտը մի քանի անգամ հրելով փորձել է արթնացնել շարքայինին հերթափոխը կատարելու համար: Զինվոր Ռուդիկ Գրիգորյանը հարցրել է լեյտենանտ Արամ Աղայանին՝ ինչու է նման ձևով արթնացնում, ինչի կապակցությամբ Աղայանը վիճաբանել է զինվոր Ռուդիկ Գրիգորյանի հետ, որի ընթացքում բռնություն է գործադրել վերջինիս նկատմամբ` քաշքշել ու հարվածել է` պատճառելով առողջության թեթև վնասի հատկանիշներ չպարունակող մարմնական վնասվածք:
Սյունիքի մարզի առաջին ատյանի դատարանը (դատավոր Դավիթ Սարգսյան) զինվորականին 2016 թ. նոյեմբերին դատապարտել էր 2 տարի 6 ամսվա ազատազրկման (ՔՕ 358.1 2-րդ մաս):
