30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ՌԴ Հեռավոր Արևելքում գրեթե երկու միլիոն մարդ մնացել է առանց էլեկտրականության
Քաղաքականություն
16.08.2024 | 20:34
ՌԴ Պրիմորսկի երկրամասում էլեկտրաէներգիայի լայնածավալ անջատումներ են տեղի ունեցել․ առանց էլեկտրականության են մնացել Վլադիվոստոկը, Նադեժդինսկը, Ֆոկինոն, Նախոդկան, Արտեմը, Բարաբշը, Ուսուրիյսկը և այլ շրջաններ, հայտնում է Primamedia տեղական լրատվականը։
«Վոստոկ-մեդիայի» տվյալներով՝ միայն Վլադիվոստոկում հոսանքազրկվել է շուրջ 2 հազար բնակելի տուն։ Ընդհանուր առմամբ, առանց էլեկտրականության է մնացել 1,8 միլիոն մարդ։
«Լուչեգորսկայայի պետական թաղամասի էլեկտրակայանում 500 կՎտ ցանցում կարճ միացում է եղել։ Արտաքին բնույթի պայթյուն կամ վթարային դեպք չի գրանցվել, խնդրի լուծման համար նախատեսված ժամանակը մոտ մեկ ժամ է»,- պարզաբանել են տեղական իշխանությունները։
Պրիմորսկի պետական էլեկտրական ցանցերից հայտնել են, որ կարճ միացման պատճառով միացել է 1, 6 և 3 բլոկների պաշտպանությունը, այս պահին իրականացվում է բլոկները միացումը:
«Էլեկտրամատակարարումը կվերականգվի մեկ ժամվա ընթացքում»,- խոստացել են էլեկտրակայանից։
Էլեկտրաէներգիայի անջատումից հետո Պրիմորիեի բնակիչները խնդիրներ են ունեցել բջջային ինտերնետի հետ։ Տարածաշրջանում չեն աշխատում նաև բանկոմատներն ու լուսացույցները։
