14.01.2026 | 09:29
ՀՀ տարածքում կան փակ ավտոճանապարհներ
Վերականգնվել է 5.190.484.000 դրամ գույքային վնաս՝ 2023թ. նույն ժամանակահատվածի 2 մլրդ 735 մլն դրամի դիմաց
Հասարակություն
15.08.2024 | 12:17
Հայաստանի Հանրապետության քննչական կոմիտեն ամփոփել է կառույցի բոլոր ստորաբաժանումներում քննվող քրեական վարույթներով պարզված՝ պատճառված գույքային վնասի վերականգնման ուղղությամբ 2024 թվականի առաջին կիսամյակում արձանագրված արդյունքները: Այս մասին հայտնում են ՀՀ Քննչական կոմիտեից։
Ըստ այդմ՝ պարզվել է, որ 2024թ. առաջին 6 ամիսների ընթացքում նախաքննությունն ավարտված քրեական վարույթներով պատճառված գույքային վնասը կազմել է ընդհանուր 14.828.540.000 ՀՀ դրամ, որից վերականգնվել է 5.190.484.000 ՀՀ դրամ՝ 2023թ. նույն ժամանակահատվածի ընթացքում վերականգնված 2 մլրդ 735 մլն ՀՀ դրամի դիմաց:
Այսինքն՝ նախաքննությունն ավարտված վարույթներով 2024թ. ցուցանիշները շուրջ կրկնակի ավելացել են։
Ընդ որում՝ 2024թ. առաջին կիսամյակում նախաքննությունն ավարտված քրեական վարույթներով վերականգնված վնասից 4.892.108.000 ՀՀ դրամը պետությանը պատճառված գույքային վնասն է։
Բացի վերոնշյալը, 2024թ. հունիսի 30-ի դրությամբ անավարտ քրեական վարույթներով վերականգնվել է 19.637.784.000 ՀՀ դրամի չափով վնաս, որից պետությանը պատճառված վերականգնված վնասի չափը կազմում է 19.457.993.000 ՀՀ դրամ։
Այսպիսով, 2024թ. ընթացքում պատճառված գույքային վնասից ավարտված և անավարտ քրեական վարույթներով վերականգնվել է ընդհանուր 24.828.268.000 ՀՀ դրամ, որից 24.350.101.000 ՀՀ դրամը պետությանը պատճառված վնասի վերականգնումն է:
Նշված 24.350.101.000 ՀՀ դրամից 20.539.865.000 ՀՀ դրամը վերականգնվել է հարկեր վճարելուց չարամտորեն խուսափելու դեպքերի առթիվ քննվող քրեական վարույթներով, որից 17.507.427.000 ՀՀ դրամը՝ ՀՀ քննչական կոմիտեի տնտեսական հանցագործությունների և մաքսանենգության քննության գլխավոր վարչությունում, իսկ 3.032.438.000 ՀՀ դրամը` հատուկ հանձնարարություններով գլխավոր վարչությունում քննված քրեական վարույթներով՝ հատկապես ալկոհոլային խմիչքների արտադրության ոլորտում հանցավոր սխեմայի կիրառմամբ առանձնապես խոշոր չափերով հարկեր վճարելուց խուսափելու վերաբերյալ վարույթի շրջանակներում:
Հատկանշական է այն հանգամանքը, որ պետությանը պատճառված վնասի վերականգնման ցուցանիշը, մասնավորապես, ՀՀ քննչական կոմիտեի տնտեսական հանցագործությունների և մաքսանենգության քննության գլխավոր վարչությունում քննվող և ավարտված վարույթներով գրեթե կրկնակի գերազանցում է 2023թ. (շուրջ 9մլրդ. ՀՀ դրամ) արդյունքները։
Ընդհանուր առմամբ 2024թ. առաջին կիսամյակում պատճառված վնասի վերականգնման` նշված արդյունքը, ՀՀ քննչական կոմիտեում քննված կամ քննվող քրեական վարույթների շրջանակներում, 2023թ. նույն ժամանակաշրջանի (15 մլրդ 825 մլն դրամ) համեմատ, ավելի է մոտ 8մլրդ. 525մլն. դրամով կամ շուրջ 54%-ով։
