20.07.2026 | 23:24
Հայաստանը կունենա լեզվական պետական քաղաքականության նոր հիմնադրույթներ
Կուրսկի շրջանում ուկրաինական ստորաբաժանումների առաջխաղացումը զգալիորեն դանդաղել է. ISW
Քաղաքականություն
15.08.2024 | 11:55
Կուրսկի շրջանում ուկրաինական ստորաբաժանումների առաջխաղացումը զգալիորեն դանդաղել է, ասվում է Պատերազմի ուսումնասիրման ամերիկյան ինստիտուտի (ISW) զեկույցում։
Ըստ հաղորդագրության՝ Ուկրաինայի զինված ուժեր կան հետևյալ կետերում․ Ժուրավլի գյուղի արևելյան հատվածում՝ Կորենևո շրջկենտրոնից 10 կմ դեպի արևելք, Ուլանոկ գյուղից հյուսիս-արևմուտք (Սուջայից մոտ 10 կմ հարավ-արևելք), փոքր առաջխաղացում կա Կամիշնոյե գյուղի արևմտյան մասում, որը գտնվում է Սուջայից ուղիղ գծով 20 կմ հարավ-արևելք և շատ մոտ է Գիրի գյուղին:
ISW-ն նաև հայտնում է, որ դատելով Maxar արբանյակային պատկերներից՝ ռուսները խրամատներ են փորում և պաշտպանական գիծ կառուցում Լգովի մոտ՝ Ռիլսկ-Լգով-Կուրչատով-Կուրսկ ճանապարհի երկայնքով, որտեղից մոտ 17 կմ հյուսիս տեսողականորեն հաստատվել է ուկրաինական ստորաբաժանումների առկայությունը: Զեկույցի հեղինակների կարծիքով՝ սա ակնհայտորեն խոսում է այն մասին, որ ռուսները կանխատեսում են ուկրաինացիների հետագա առաջխաղացում։
Ինչպես վերջին օրերին նշել են ուկրաինացի, ռուս և երրորդ կողմի մեկնաբանները՝ Կուրսկի շրջանում դեռ հստակ ճակատային գիծ չկա, և Ուկրաինայի Զինված ուժերը շարժական խմբերով առաջ են գնում՝ փնտրելով ռուսական պաշտպանության թերություններն ու բացերը:
