07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
ՀԱՄԱՍ-ը հրաժարվել է մասնակցել Գազայի հարցով նոր բանակցություններին. Իսրայելը հաստատել է մասնակցությունը
Քաղաքականություն
15.08.2024 | 11:15
ՀԱՄԱՍ-ի ղեկավարության անդամներից մեկը BBC-ին ասել է, որ խմբավորումը չի մասնակցի Գազայում զինադադարի և պատանդների ազատ արձակման վերաբերյալ նոր բանակցություններին: Միջնորդների նախաձեռնությամբ ՀԱՄԱՍ-ի և Իսրայելի միջև այդ բանակցությունները պետք է վերսկսվեն այսօր Կատարում: Իսրայելը հաստատել է իր մասնակցությունը։
ՀԱՄԱՍ-ի ներկայացուցիչը BBC-ին ասել է, որ խմբավորումը չի ցանկանում «բանակցությունների մեջ մտնել՝ հանուն բանակցությունների, որոնց քողի տակ Իսրայելը շարունակում է պատերազմը»։
Աղբյուրի խոսքով՝ ՀԱՄԱՍ-ը ցանկանում է տեսնել «ճանապարհային քարտեզ», պայմանավորվածությունների կատարման կոնկրետ ծրագիր, և այդ ծրագիրը պետք է հիմնված լինի մայիսին ԱՄՆ նախագահ Ջո Բայդենի կողմից ներկայացված առաջարկների վրա։
Իսրայելի վարչապետ Բենիամին Նեթանյահուի գրասենյակը չորեքշաբթի հաստատել է, որ իսրայելական պատվիրակությունը կմասնակցի Գազայի հատվածում զինադադարի և անցյալ տարվա հոկտեմբերի 7-ին Իսրայելի վրա հարձակման ժամանակ ՀԱՄԱՍ խմբավորման կողմից գերեվարված պատանդների ազատ արձակման հարցով բանակցություններին:
Reuters-ը, հղում անելով իր աղբյուրին, հայտնում է, որ հանդիպմանը կմասնակցեն Իսրայելի, Կատարի, ԱՄՆ-ի և Եգիպտոսի պաշտոնյաներ։ Միջնորդները ակնկալում են Դոհայում բանակցություններից հետո խորհրդակցություններ անցկացնել ՀԱՄԱՍ-ի հետ։
