08.09.2026 | 17:22
Հայկական ճարտարապետության նոր հասցեն․ Amanoo-ի միջազգային ճանապարհը
«Զանգեզուրի միջանցքի» բանալին ՀՀ-ն պետք է իր ձեռքում պահի. Թուրքիան իր ուզածով է ուզում լուծել խնդիրը. Ռուբեն Սաֆրաստյան․ ՏԵՍԱՆՅՈՒԹ
Քաղաքականություն
14.08.2024 | 20:00
Թուրքիան շահագրգռված չէ, որ Հայաստանի հետ բանակցային գործընթացը հիմա տրամաբանական ավարտ ստանա, որ երկրները կարգավորեն հարաբերությունները, բացեն սահմանները և այլն։ Factor TV-ին տված հարցազրույցում նման կարծիք է հայտնում արևելագետ, ակադեմիկոս Ռուբեն Սաֆրաստյանը։
Ըստ նրա՝ Թուրքիայում կարծում են, որ Անկարայի հետ հարաբերությունների կարգավորումն ավելի շատ Երևանին է պետք, այդ պատճառով Հայաստանը պետք է գին վճարի դրա համար։ Հիմա այդ գինը, ըստ Ռուբեն Սաֆրաստյանի, Ադրբեջանի հետ խաղաղության պայմանագիրն է։
«Այդ գինը նաև, այսպես կոչված, «Զանգեզուրի միջանցքն» է լինելու։ Հայաստանը պետք է իր ձեռքում պահի «Զանգեզուրի միջանցքի» բանալին, քանի որ Թուրքիան ուզում է իր ուզածով լուծել այդ «միջանցքի» հարցը»,- նշում է ակադեմիկոսը։
Ռուբեն Սաֆրաստյանի հետ խոսել ենք նաև Մերձավոր Արևելքում տիրող իրավիճակից, Իրան-Իսրայել լարվածության սրացումից, Կասպից ծովում Իրանի նախաձեռնած զորավարժություններից, Կուրսկում Ուկրաինայի ռազմական օպերացիայից և այլ թեմաներից։
Հարցազրույցն ամբողջությամբ՝ տեսանյութում։
Թամարա Հակոբյան
