13.06.2026 | 00:58
ԱԱ-2026․ Կանադան խուսափեց պարտությունից Բոսնիա և Հերցեգովինայի դեմ խաղում․ ՏԵՍԱՆՅՈՒԹ
Ես տպավորություն չունեմ, որ Ռուսաստանն աջակցում է Ռոբերտ Քոչարյանին. Արմեն Ռուստամյան․ ՏԵՍԱՆՅՈՒԹ
Քաղաքականություն
06.09.2018 | 14:51
Ազգային ժողովի ՀՅԴ խմբակցության ղեկավար Արմեն Ռուստամյանն այն համոզման է, որ հայ-ռուսական հարաբերություններն ու ռազմավարական շահերն այնքան կարևոր և նշանակալից են, որ ցանկացած խնդիր էլ պետք է ստորադասվի դրանց։
Այս մասին այսօր ԱԺ-ում լրագրողների հետ ճեպազրույցում ասաց պատգամավորը և հավելեց․«Այդ առումով Փաշինյան-Պուտին հանդիպումից մեծ ակնկալիք ունեմ: Այս հանդիպումները հենց նրա համար են, որ խնդիրները վերջնականապես պարզաբանվեն ու իրենց լուծումները ստանան, և որևէ կերպ մեր ռազմավարական գործընկերությունը Ռուսաստանի հետ չխաթարվի: Դա կունենա մեզ համար լուրջ, ճակատագրական հետևանք»:
Նրա կարծիքով`Փաշինյան-Պուտին հանդիպումը կարելի է համարել լիարժեք հանդիպում, քանի որ սա երկկողմանի առաջին լուրջ հանդիպումն է, և պետք է բաց խոսել բոլոր թեմաներով:
«Մեր հիմնական մոտեցումն այն է, որ Հայաստանը միշտ աչքի է ընկել իր արտաքին քաղաքականության մեջ նրանով, որ նույն բանն է ասել թե’ Մոսկվայում, թե’ Բրյուսելում, թե’ Վաշինգտոնում»,- ասաց Արմեն Ռուստամյանը:
Պատգամավորը նաև շեշտեց՝ այս հանդիպման ընթացքում պետք է հստակ ներկայացվի Արցախի հարցի կարգավորման վերաբերյալ Հայաստանի դիրքորոշումը:
Մանրամասները՝ տեսանյութում։
