11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Ամերիկյան F-22 Raptor կործանիչները ժամանել են Մերձավոր Արևելք
Քաղաքականություն
09.08.2024 | 12:36
Մերձավոր Արևելք են ժամանել նոր ամերիկյան ուժեր, որոնք պետք է օգնեն պաշտպանել Իսրայելին Իրանի և նրա աջակցությունը վայելող խմբերի հնարավոր հարձակումից: ԱՄՆ կենտրոնական հրամանատարությունը, որը վերահսկում է տարածաշրջանում ամերիկյան զորքերը, հայտարարել է F-22 Raptor կործանիչների ժամանման մասին, գրում է VOA-ն։
Կործանիչները «տարածաշրջանում ուժերի վերադասավորման մաս են՝ նվազեցնելու Իրանի կամ նրա կողմից աջակցվող ուժերի կողմից տարածաշրջանային էսկալացիայի ներուժը»,- ասվում է հայտարարության մեջ:
Ամերիկյան ռազմական ինքնաթիռների ժամանումը Պենտագոնի կողմից անցած շաբաթ մեկնարկած զորավարժությունների մասն է տարածաշրջանում հակամարտության ընդլայնման մտավախությունների պատճառով՝ Իսրայելի կողմից Բեյրութում «Հըզբոլլահ»-ի հրամանատարներից Ֆուադ Շուքրի սպանությունից և Թեհրանում հարձակումից հետո, որի հետևանքով սպանվեց ՀԱՄԱՍ-ի քաղաքական թևի առաջնորդ Իսմայիլ Հանիեն:
Իրանն ու «Հըզբոլլահ»-ը խոստացել են հակահարված տալ, մինչդեռ Իսրայելը խոստացել է վերացնել ՀԱՄԱՍ-ի նոր քաղաքական առաջնորդ Յահյա Սինվարին:
