15.05.2026 | 17:48
Ուշուիստ Արսեն Բաղրյանը` Աշխարհի գավաթի արծաթե մեդալակիր
Անհասկանալի էր պանիկան․ ցանկացած դեղորայք պետք է նշանակվի և վերահսկվի բժշկի կողմից․ Արտակ Ջումայան․ ՏԵՍԱՆՅՈՒԹ
13.08.2024 | 19:00
Մարտի 1-ից մինչ այսօր 1 մլն 100 հազարից ավելի էլեկտրոնային դեղատոմս է դուրս գրվել։ Factor TV-ին տված հարցազրույցում այս մասին հայտնեց առողջապահության նախարարի տեղակալ Արտակ Ջումայանը։
2025 թվականի հունվարի 1-ից դեղատոմսով բոլոր դեղերը դուրս են գրվելու էլեկտրոնային եղանակով։ Ջումայանի խոսքով՝ ցանկը վերանայում են և փորձում ավելացնել այն դեղորայքները, որոնք վնասակար են առողջության համար ու ավելի խիստ վերահսկողության կարիք ունեն։
«Երբ ասում ենք դեղորայք, դա արդեն իսկ ասում է, որ ցանկացած դեղի ընդունումը պետք է լինի խիստ ցուցումով, բժշկի նշանակումով, բժշկի հսկողության տակ։ Դրա համար մենք փորձում ենք տարանջատել այն խմբերը, որոնք պետք է խիստ դեղատոմսով լինեն»,- ասաց առողջապահության նախարարի տեղակալը։
Անդրադառնալով դեղատների աշխատանքին՝ Ջումայանը նշեց, որ դեղատների գրեթե 100 տոկոսը միացված է «Արմեդ» համակարգին. «Եթե կան այսօր դեղատներ, որոնք դեռ չեն միացել համակարգին, ապա Կառավարության երկու որոշման խախտումով շարունակում են աշխատել, ինչը շատ ցավալի է»։
Արտակ Ջումայանի հետ խոսել ենք նաև էլեկտրոնային առողջապահության, առողջության առաջնային պահպանման օղակում ընթացող բարեփոխումների, բժիշկների վարձատրության բոնուսային համակարգի մասին։
Հարցազրույցն ամբողջությամբ՝ տեսանյութում։
Անի Թամրազյան
