12.09.2026 | 18:21
Տավուշում հայտնաբերվել է շուրջ 1,5 խմ ապօրինի տեղափոխվող վառելափայտ
Մենք կարողանո՞ւմ ենք անել այնպես, որ քաղաքականությամբ զբաղվեն քաղաքական գործիչները, ոչ թե մուլտիմիլիոնատերերը․ Հայկ Կոնջորյան․ ՏԵՍԱՆՅՈՒԹ
Քաղաքականություն
06.09.2018 | 13:58
Ազգային ժողովի «Ելք» խմբակցության պատգամավոր Հայկ Կոնջորյանի համար ընտրակաշառքը և ընտրակեղծարարությունը քրեականացնող օրենքների նախագծերը քննարկելիս նախ պետք է հասկանալ՝ առաջա՞րկն է ծնում պահանջարկ, թե՞ հակառակը։
«Եթե մարդն ընտրակաշառք չի վերցնում, որպես կանոն, նրան ընտրակաշառք չեն էլ առաջարկում, նրա տուն ընտրակաշառք բաժանող որևէ մեկը չի էլ մտնում, որովհետև այդ ընտրակաշառքի ինդուստրիան այնպես է կառուցված, որ այդ ընտրակաշառք բաժանող փոքրիկ լիդերիկները գիտեն՝ ում տուն են մտնելու»,- ասաց պատգամավորը։
Հայկ Կոնջորյանը նաև նշեց՝ նախքան ընտրակեղծարարությունը քրեականացնելը, պետք է բացառել օլիգարխների ազդեցությունը ընտրությունների վրա։
«Վերցրեք նախորդ ընտրությունների ռեյտինգային կարգով ընտրված թեկնածուների ցանկը և կտեսնենք, որ ամենաշատ ձայներ հավաքած թեկնածուները մուլտիմիլոնատերերն են, հետևաբար, ամենկարևոր հարցն այստեղ հետևյալն է՝ մենք կարողանո՞ւմ ենք անել այնպես, որ քաղաքականությամբ զբաղվեն քաղաքական գործիչները, ոչ թե մուլտիմիլիոնատերերը։
Մանրամասները՝ տեսանյութում։
