23.01.2026 | 17:22
UFC-ի մարտիկ Դասթին Պորյեն պատմել է՝ ինչու է հրաժարվել մեկնել Հայաստան
Ադրբեջանը կարող է օգտվել՝ լուծելու իր խնդիրները, եթե Մերձավոր Արևելքում մեծ պատերազմ բռնկվի. Շահան Գանտահարյան. ՏԵՍԱՆՅՈՒԹ
Քաղաքականություն
06.08.2024 | 17:30
Լիբանանում ներկայում գերլարված, սպասողական վիճակ է, հայտարարվել է Իսրայելին «ցավոտ, ուժգին» պատասխանի մասին։ Factor TV-ի հետ զրույցում նշեց Լիբանանում լույս տեսնող հայկական «Ազդակ» օրաթերթի գլխավոր խմբագիր Շահան Գանտահարյանը։
Հիշեցնեն՝ Բեյրութի արվարձաններից մեկի ուղղությամբ իսրայելական հարձակման հետևանքով զոհվել է «Հըզբոլլահ»-ի հրամանատարներից Ֆուադ Շուքրը։ Շիաների շարժման ղեկավարը հայտարարել է պատասխանի մասին։ Դրանից ժամեր անց Թեհրանում էլ սպանվեց պաղեստինյան ՀԱՄԱՍ խմբավորման քաղբյուրոյի ղեկավար Իսմայիլ Հանիեն։
Ըստ Շահան Գանտահարյանի՝ գնահատականներ կան, որ Գազայի հատվածում պատերազմի աշխարհագրությունը կարող է ընդլայնվել։ Նա, միաժամանակ, հիշեցնում է՝ Իրանը հայտարարեց՝ բացառված է, որ Իսրայելին հակադարձումը խորհրդանշական լինի։
Լարվածության սրման դեպքում ի՞նչ սպառնալիքներ ու վտանգներ կան Հայաստանի համար։ Պատասխանելով այս հարցին՝ Շահան Գանտահարյանը նշեց, որ Մերձավոր Արևելքում մեծ պատերազմի դեպքում Ադրբեջանը կարող է փորձել օգտվել՝ լուծելու իր խնդիրները, սակայն, ըստ նրա, զսպիչ գործոններ կան։
Հարցազրույցն ամբողջությամբ՝ տեսանյութում։
Թամարա Հակոբյան
