21.01.2026 | 22:59
Ալիևի որդին SOCAR-ում պաշտոն է ստացել
Ռազմավարական նախաձեռնությունների կենտրոնը փակվում է․ Կարեն Կարապետյանի տեխնոկրատ թիմակիցներն իրերն են հավաքում
Քաղաքականություն
05.09.2018 | 23:00
ՀՀ նախկին վարչապետ Կարեն Կարապետյանի նախաձեռնությամբ 2017 թվականի հունվարի 12-ին մեծ շուքով բացված ռազմավարական նախաձեռնությունների կենտրոն-հիմնադրամը, որի ղեկավարը Կարապետյանի տեխնոկրատների թիմի անդամ Ալեքսանդր Խաչատուրյանն էր, փակվում է։
Հիմնադրամի փակման վերաբերյալ որոշման նախագիծը թեև դեռևս Կառավարությունը չի հաստատել, սակայն, աշխատակիցները հավաքում են իրենց իրերը։
Հիշեցնենք, որ հիմնադրամի բացման ժամանակ վարչապետ Կարեն Կարապետյանն Ալեքսանդր Խաչատուրյանին ասել էր՝ Ալեքս, հուպ տուր, սակայն, փաստորեն, առանձնապես հուպ տալ չհաջողվեց, քանի որ ընդամենը մեկուկես տարի այց այս հիմնադրամը փակվում է։
Այդ մասին նախագիծը շուտով կմտնի Կառավարության նիստի օրակարգ։
Նշենք, որ Հիմնադրամի ստեղծման նպատակն էր ՀՀ տնտեսական զարգացման երկարաժամկետ ռազմավարական ծրագրերի, բարեփոխումների փաթեթների և ներդրումային ծրագրերի հավաքագրումը, մշակումը, վերլուծությունը։
