03.02.2026 | 23:21
Ֆրանսիան պատրաստ է լիակատար աջակցություն ցուցաբերել Հայաստանին COP17-ի կազմակերպման հարցում
Կարո Եղնուկյանին սպառնում է 25 տարվա ազատազրկում. hraparak.am
Հասարակություն
11.07.2017 | 18:13
«Սասնա ծռեր» խմբավորման օժանդակելու մեղադրանքով կալանավորված Կարո Եղնուկյանի փաստաբան Տիգրան Հայրապետյանի բողոքի միջնորդությունները՝ կալանքի փոփոխման, գործը «Սասնա ծռերից» անջատելու, տեսակցության արգելանքը վերացնելու, մեկը մյուսից ետևից մերժվում են տարբեր դատարաններում։
«Արդեն մեկ տարի կլինի, որ Կարո Եղնուկյանը կալանավորված է, բայց չենք հասկանում, թե ինչի մեջ են նրան մեղադրում։ Այսինքն՝ մեղադրանքը կոնկրետացված չէ, հետևաբար հնարավոր չէ պաշտպանվել։ Չեն ասում, թե ինչ գործողություններ ա կատարել Եղնուկյանը։ Ասում են՝ նպաստել ա, բայց թե ի՞նչ ա արել, որ նպաստել ա, ասում են՝ ապահովել ա քաղաքացիների տեղափոխությունը, բայց չեն ասում էդ ապահովելը ինչում ա հանդիսացել։ Սա ակնհայտ ապացուցում ա, որ կոնկրետ գործողություններ չկան կատարված Եղնուկյանի կողմից, ուղղակի որպես քաղբանտարկյալ իրեն կալանավորել են, որպեսզի սահմանափակեն իր գործունեությունը»,- Hraparak.am-ի հետ զրույցում ասել է Եղնուկյանի փաստաբան Տիգրան Հայրապետյանը՝ նշելով, որ նրա տեսակցությունների արգելանքը մասամբ է վերացված, անգամ հարազատ եղբոր հետ չկա տեսակցություն։ Տիգրան Հայրապետյանի խոսքով՝ կալանքի փոփոխման հարցով բողոք են ներկայացրել Եվրոպական դատարան, որը դեռ ընթացքի մեջ է։
«Ընդ որում՝ իրեն մեղադրում են 5 հեռախոսազանգերի համար, որից 3-ը իր կնոջ հետ է խոսել։ Այդ խոսակցությունը իր վրա 25 տարվա հոդված է դնում։ Ինքը խոսել է նաև այլ անձանց հետ։ Ասում են՝ նպաստել է, որ Մաքսիմ Սարգսյանը տեղափոխվի քաղաքացիներին Ազատության հրապարակից գնդի տարածք։ Մաքսիմ Սարգսյանին ընդհանրապես մեղադրանք չեն առաջադրել, Մաքսիմ Սարգսյանը կատարել է այն, ինչին նպաստել է Եղնուկյանը, բայց նրան ընդհանրապես ոչ մի բան չեն արել»։
Մանրամասները՝ սկզբնաղբյուր կայքում
