22.11.2024 | 18:09
«Արմավիր» ՔԿՀ-ի դատապարտյալի համար բերված աղցաններում հայտնաբերվել են թմրամիջոցներ․ հանձնուք բերած կինը ձերբակալվել է
Չինաստանը հայտնել է ՌԴ-ից էլեկտրաէներգիայի մատակարարման ծավալների պատմական անկման մասին
Քաղաքականություն
30.07.2024 | 22:51
Էլեկտրաէներգիայի արտահանումը Ռուսաստանից Չինաստան կտրուկ նվազել է 2024 թվականին. հունվար-հունիս ամիսներին մատակարարումների ծավալը տարեկան կտրվածքով նվազել է 76%-ով՝ հասնելով 465 մլն կՎտժ-ի։ Այս մասին է վկայում Չինաստանի մաքսային վիճակագրությունը, որը հայտնվել է «Կոմերսանտ»-ի տրամադրության տակ:
Մատակարարված էլեկտրաէներգիայի ընդհանուր արժեքը նվազել է 75%-ով և կազմել 21,5 մլն դոլար, իսկ 1 կՎտ/ժ մատակարարման միջին արժեքը կազմել է մոտ 0,046 դոլար։
Եթե մատակարարման ներկայիս ծավալները պահպանվեն, ապա տարեվերջին Չինաստան արտահանումը չի գերազանցի 1 մլրդ կՎտ/ժ-ը, ինչը պատմության մեջ ռեկորդային ցածր կլինի։ Համեմատության համար նշենք, որ 2010-2020 թվականներին Ռուսաստանի Դաշնությունից Չինաստան էլեկտրաէներգիայի արտահանման միջին տարեկան ծավալը կազմել է 3 միլիարդ կՎտ/ժ:
Էլեկտրաէներգիայի արտահանումը Չինաստան իրականացվում է որպես մենաշնորհ «Ինտեր ՌԱՕ»-ի կողմից։
Մատակարարումները գալիս են Հեռավոր Արևելքից Չինաստանի Հեյլունցզյան նահանգ: Ընդհանուր առմամբ, Ռուսաստանից Չինաստան է գնում էլեկտրահաղորդման երեք գիծ՝ 500 կՎ, 110 կՎ և 220 կՎ։
«Ինտեր ՌԱՕ»-ն հաստատել է դեպի Չինաստան մատակարարումների անկումը: Այնտեղ նշել են, որ Հեռավոր Արևելքում դեռևս առկա է էներգետիկ հզորության պակաս՝ ջրի ցածր հասանելիության և աճի սպառման ֆոնին ջերմային արտադրանքի վերանորոգման պատճառով:
