01.05.2026 | 09:27
Հայաստանի Հանրապետությունը ծաղկում է ապրում, և սա բոլորիդ աշխատանքի շնորհիվ է․ ՀՀ վարչապետի ուղերձը
Ռուս-ադրբեջանական հարձակման սցենար կա, ՌԴ-ն Ադրբեջանի բանակով մատ է թափ տալիս ՀՀ-ի վրա. Արամայիս Աղաբեկյան․ ՏԵՍԱՆՅՈՒԹ
Քաղաքականություն
29.07.2024 | 20:30
Այսօր պաշտոնական Երևանը հերքեց Բաքվի հաղորդումը, թե, իբր, հուլիսի 28-ին՝ ժամը 17:40-ի շրջանում, ՀՀ ԶՈՒ-ին պատկանող կվադրոկոպտերը հետախուզական թռիչքներ է իրականացրել Լաչինի շրջանում։ Ըստ ՊՆ-ի՝ Բաքվի հաղորդումը իրական չէ: Բաքուն այսօր հաղորդել է, թե հատուկ տեխնիկական միջոցներով որսացել են ԱԹՍ-ն և հեռացրել տարածքից։ Օրերս ադրբեջանական կողմը նաև պնդել էր, թե վերջին շրջանում հայկական ուժերը, իբր, ծանր զինատեսակներ են կիրառել Քելբաջարի և անօդաչու սարք՝ Թովուզի ուղղությամբ։ «Եթե նման սադրիչ գործողությունները չդադարեն, ապա ինքնապաշտպանության նպատակով Ադրբեջանի ԶՈւ-ի զինանոցում գտնվող բոլոր միջոցների կիրառմամբ համապատասխան քայլեր կձեռնարկվեն»,- սպառնալիք էր հնչել Բաքվից։
ՀՀ ԱԳՆ-ն պատասխանեց Ադրբեջանի ՊՆ-ի սպառնալից հայտարարությանը՝ պնդելով, որ ՀՀ-ին էսկալացիոն հռետորաբանության մեջ ներքաշելու փորձերն անընդունելի են, այն որակում է «անհասկանալի»: Երևանը հիշեցնում է, որ Ադրբեջանը չի արձագանքում միջադեպերի հետաքննության մեխանիզմ ստեղծելու առաջարկին։
«Մարտական եղբայրության» անդամ, պատմաբան Արամայիս Աղաբեկյանը Factor TV-ի հետ զրույցում ասում է, որ Հայաստանի դեմ հստակ ռազմավարություն է տեսնում․
«Ադրբեջանը և ՌԴ-ն մեղադրում են Արևմուտքին ՀՀ-ին զինելու մեջ, որպեսզի հետագայում ռազմական ագրեսիան արդարացնեն։ ՌԴ-ն Ադրբեջանի բանակով է մատ թափ տալիս ՀՀ-ի վրա, ռուս-ադրբեջանական հարձակման հարձակման սցենար կա։ ՀՀ-ն չպետք է Ադրբեջանի 86 600 ք/կմ տարածքը ճանաչի, եթե Ալիևը չի նստում բանակցային սեղանի շուրջ, պայմանագիր չի կնքում։ Պետականության կորստի առաջ ենք․ ընդդիմությունն ասում է՝ ՌԴ-ի հետ հարաբերությունը լավացնենք, իշխանությունը քարոզում է՝ խաղաղությանն այլընտրանք չկա։ Պատերազմը չի ավարտվել, ՌԴ-ն և Ադրբեջանը ՀՀ-ն ծայրագավառ են տեսնում, Ալիևի բանակն էլ հիմնական գործիքն է»,- նշեց Արամայիս Աղաբեկյանը։
Հարցազրույցն ամբողջությամբ՝ տեսանյութում։
Ռոբերտ Անանյան
