14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Իսրայելն անօդաչու սարքեր է արձակել Լիբանանի ուղղությամբ
Քաղաքականություն
29.07.2024 | 21:59
Իսրայելն անօդաչու թռչող սարքեր է արձակել Լիբանանի ուղղությամբ՝ սպանելով «Հըզբոլլահ»ի երկու անդամների։ Այս մասին հայտնում է Al Jazeera-ն։
Լիբանանի պետական լրատվամիջոցների հաղորդմամբ՝ հարվածներից մեկն ուղղված է եղել մոտոցիկլետին Մեյս ալ-Ջաբալ և Շաքրա քաղաքների սահմանին, ինչի հետևանքով զոհվել է երկու մարդ, մեկ երեխա վիրավորվել է: Երկրորդ հարվածի հետևանքով տուժել է ևս երկու մարդ։
Իսրայելական բանակը հայտարարել է, որ հարվածներ է հասցրել «Հըզբոլլահ»-ի զինյալներին և ենթակառուցվածքներին: Իսրայելական Yedioth Ahronoth-ը, վկայակոչելով անանուն պաշտոնյաներին, հաղորդում է, որ Իսրայելի պատասխանը կլինի «տարողունակ, բայց հզոր»: Պարբերականը գրում է, որ տարբերակները կարող են ներառել այնպիսի ենթակառուցվածքներ, ինչպիսիք են կամուրջները, էլեկտրակայանները և նավահանգիստները, ինչպես նաև հարձակումներ «Հըզբոլլահ»-ի զենքի պահեստների վրա:
Կանխատեսելով իսրայելական հարձակումները՝ «Հըզբոլլահ»-ը և նրա հետ կապված խմբերը տարհանել են որոշ դիրքեր Լիբանանի և Սիրիայի այն հատվածներից, որոնք կարող էին թիրախ դառնալ, հաղորդում է AFP-ն՝ հղում անելով լիբանանյան խմբավորմանը մոտ կանգնած աղբյուրին:
Իսրայելի պատասխան գործողությունների մտավախությունը տարածվել է նաև Բեյրութի միջազգային օդանավակայանում: AJ-ի աղբյուրները հայտնել են, որ այս գիշեր օդանավակայանի երկնքում իսրայելական անօդաչու սարքեր են թռել:
The Times of Israel-ը նշում է, որ «Հըզբոլլահ»-ը հաստատել է իր երկու անդամների մահը, որոնք եղել են մեքենայի մեջ և մոտոցիկլետի վրա։
