Քաղաքականություն
29.07.2024 | 22:54
Իսրայելի վարչապետ Բենիամին Նեթանյահուն այցելել է Մաջդալ Շամսի ֆուտբոլի դաշտը, որտեղ շաբաթ օրը հրթիռը սպանել է 12 երեխայի, խոստացել «կոշտ պատասխան տալ», գրում է The Times of Israel-ը։
«Իրանի աջակցությամբ «Հըզբոլլահ»-ն իրանական հրթիռ է արձակել այստեղ, որը խլել է 12 մաքուր հոգիների կյանքը։ 12 տղա և աղջիկ, որոնք այստեղ ֆուտբոլ էին խաղում և, ցավոք, չկարողացան մտնել ապաստարան: Սիրտս կոտրվում է այս ողբերգությունից։ Մենք գրկում ենք այն ընտանիքներին, որոնք անասելի տառապանքներ են ապրում։ Այս երեխաները մեր երեխաներն են, նրանք մեր բոլորի զավակներն են։ Իսրայելը չի կարող դա այդպես թողնել: Մեր պատասխանը կլինի, և այն կլինի դաժան»,- ասել է Նեթանյահուն։
Սևազգեստ տեղացիները հարվածներ են հասցրել պատնեշներին, մինչ Նեթանյահուն շրջել է այդ վայրում։ Ոմանք բղավել են՝ վարչապետին կոչ անելով հեռանալ, մյուսները ցուցանակներ են պահել՝ Նեթանյահուին պատերազմական հանցագործ անվանելով, մի մեծ խումբ էլ վանկարկել է՝ «Դու՛րս, դու՛րս»։
