07.11.2026 | 10:33
Ռոբերտ Փիլիպոսյանը՝ կայծակնային շախմատի Մ-20 ԱԱ-ի բրոնզե մեդալակիր
Ֆրանսիայում անհայտ անձինք վնասել են հեռահաղորդակցության ցանցերը
Քաղաքականություն
29.07.2024 | 21:48
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
Ֆրանսիայում երկաթգծերի վրա մի շարք հրկիզումներից երեք օր անց հարձակում է իրականացվել երկրի հեռահաղորդակցության ցանցերի վրա։ Ֆրանսիայի մի քանի շրջաններում անհայտ անձինք վնասել են հեռահաղորդակցության օպերատորների օպտիկամանրաթելային ցանցերը, գրում է DW-ի ռուսական ծառայությունը։
Ֆրանսիայի կառավարության թվային տեխնոլոգիաների գծով պետքարտուղար Մարինա Ֆերարիի խոսքով՝ հարձակվողների գործողությունները «տեղային հետևանքներ են ունեցել» օպտիկամանրաթելային կապի միջոցով ինտերնետ հասանելիության, ինչպես նաև ֆիքսված և բջջային հեռախոսակապի համար:
«Ես խստորեն դատապարտում եմ այս վախկոտ և անպատասխանատու գործողությունները»,- նշել է Ֆերարին։
Ըստ ֆրանսիական լրատվամիջոցների՝ վնաս է գրանցվել Ֆրանսիայի 101 դեպարտամենտներից վեցում, մինչդեռ Փարիզը, որտեղ անցկացվում են Օլիմպիական խաղերը, չի տուժել։
Ֆրանսիայի հարավում, Փարիզի մերձակայքում գտնվող Ուազ և Լյուքսեմբուրգի հետ սահմանի մոտ գտնվող Մոզ դեպարտամենտներում երկուշաբթի գիշերը կտրվել են մալուխները, իսկ ֆրանսիական SFR, Free և Bouygues Telecom ընկերություններին պատկանող կայանները վանդալիզմի են ենթարկվել, հաղորդում են Le Parisien-ը և BFM TV-ն։
Վնասի չափը դեռևս հայտնի չէ, հետաքննություն է սկսվել։ Սակայն դեռ պարզ չէ՝ արդյո՞ք կապ կա նոր դեպքերի և երեք օր առաջ երկաթուղում իրականացված դիվերսիաների միջև։
Հիշեցնենք, որ Ֆրանսիայի իշխանությունները կասկածում են ձախ ծայրահեղական ուժերի ներկայացուցիչներին հուլիսի 26-ին՝ Օլիմպիական խաղերի բացման օրը արագընթաց երկաթգծերի վրա հարձակումների մեջ։
