23.06.2026 | 16:57
Փաշինյանի որոշմամբ ձևավորվել են առողջության համընդհանուր ապահովագրության հիմնադրամի մրցութային հանձնաժողովները
ՌԴ-ում մարդատար գնացքը դուրս է եկել ռելսերից․ վիրավորներ կան
Քաղաքականություն
29.07.2024 | 16:07
Ռուսաստանի Վոլգոգրադի մարզում՝ Կոտելնիկովո կայարանի մոտ, ռելսերից դուրս է եկել Կազան-Ադլեր մարդատար գնացքի ութ վագոն: Այս մասին գրում են ռուսական տելեգրամ ալիքները, որոնց վկայակոչում է Current time-ը։
Միջադեպը, ըստ ականատեսների, տեղի է ունեցել բեռնատարի վարորդի պատճառով, որը մեքենայով դուրս է եկել երկաթուղային անցման վրա։ Գնացքում 800 ուղևոր է եղել։
«Ինտերֆաքս»-ն էլ, վկայակոչելով արտակարգ իրավիճակների ծառայությունները, գրում է, որ կարող էր վիրավորվել մինչև 100 մարդ։ Shot տելեգրամ-ալիքը հաղորդում է 37 վիրավորի մասին, որոնց թվում՝ վեց երեխա։ Չորս մարդ հոսպիտալացվել է։
Բեռնատարի վարորդը նույնպես հոսպիտալացվել է։
ՏԱՍՍ-ը հայտնում է, որ ուղևորներն իրենք են դուրս եկել գնացքի վագոններից։ Նրանց օգնություն են ցուցաբերել տեղում կամ տեղափոխել հիվանդանոցներ։
«Ռուսական երկաթուղիներ»-ից հաստատել են, որ վթարը տեղի է ունեցել ԿԱՄԱԶ-ի վարորդի պատճառով, որը ժամը 12:35-ին մեքենայով դուրս է եկել երկաթուղային անցման վրա։ Այս հատվածում գնացքների երթևեկությունը դադարեցվել է։
Հաղորդվում է, որ վթարի հետևանքների վերացման համար ներգրավված է ավելի քան 320 մարդ և 100 միավոր տեխնիկա։
