14.01.2026 | 19:00
«Թրամփի ուղին» ավելի մեծ անվտանգային երաշխիք է, քան եթե ԱՄՆ դեսպանը գնա սահման, ասի՝ մի կրակեք․ Հայկազ Ֆանյան․ ՏԵՍԱՆՅՈՒԹ
«Վագները» հաստատել է Մալիում իր զինյալների մահը
Քաղաքականություն
29.07.2024 | 17:10
Ռուսական «Վագներ» ռազմականացված խմբավորումը հաստատել է, որ կորուստներ է կրել Մալիի հյուսիսում գտնվող տուարեգ ապստամբների հետ մարտերում։ Այս մասին վկայում է «Վագների բեռնաթափում» Telegram-ալիքի հաղորդագրությունում, որը հրապարակվել է հուլիսի 29-ին, փոխանցում է DW-ի ռուսական ծառայությունը։
Գրառման մեջ նշվում է, որ 2024 թվականի հուլիսի 22-ից 27-ը խմբավորման 13-րդ գրոհային ջոկատից Մալիի կառավարական բանակի և «վագներականների» զինվորները կռվել են Տինզահուատեն գյուղի մերձակայքում գրոհայինների հետ: ՏԱՍՍ գործակալությունը վագներականներին հղումով հաղորդում է, որ ռուս վարձկաններին դիմակայել է մինչև հազար հոգանոց ապստամբների խումբ։
Առաջին օրը «վագներականները» ոչնչացրել են իսլամիստների մեծ մասին, իսկ նրանցից շատերը փախուստի են դիմել, պնդում են Telegram-ալիքները։ Սակայն ավազի փոթորկի ֆոնին ռուս վարձկանների և FAM-ի հակառակորդներին հաջողվել է վերախմբավորվել։ Հետագա օրերին նրանք «ծանր զենքեր, անօդաչու թռչող սարքեր և մահապարտ մեքենաներ» են կիրառել «Վագների» դեմ, ինչը «վնասներ է պատճառել «Վագների» և FAM-ի զինվորներին», ասվում է հաղորդագրության մեջ։
