01.11.2024 | 16:29
Բրնձի առանձին տեսակների նկատմամբ սահմանվել է սակագնային քվոտա
Նիդերլանդները կոչ է արել Թուրքիային հեռացնել ՆԱՏՕ-ից
Քաղաքականություն
29.07.2024 | 19:13
Նիդերլանդների խորհրդարանական ընտրություններում հաղթած ծայրահեղ աջ «Ազատություն» կուսակցության (PVV) առաջնորդ Գերտ Վիլդերսը «X» սոցիալական ցանցում, ի պատասխան Թուրքիայի նախագահ Ռեջեփ Թայիփ Էրդողանի՝ Իսրայել «մուտք գործելու» պատրաստակամության մասին խոսքերին, հայտարարել է, որ Թուրքիան պետք է հեռացվի ՆԱՏՕ-ից։
«Իսլամաֆաշիստ Էրդողանը սպառնում է ներխուժել Իսրայել, այս տղան լրիվ խելագարվել է։ Թուրքիային պետք է վռնդել ՆԱՏՕ-ից»,- գրել է Վիլդերսը՝ մեկնաբանելով Թուրքիայի առաջնորդի խոսքերը։
Էրդողանը կիրակի հայտարարել է, որ Անկարան կարող է «մտնել» Իսրայել այնպես, ինչպես մտել է Լիբիա և Ղարաբաղ։
Իսրայելի արտգործնախարար Իսրայել Կացն էլ պատասխանել էր, որ Էրդողանը գնում է Սադամ Հուսեյնի ճանապարհով և սպառնում է հարձակվել Իսրայելի վրա, սակայն պետք է հիշի Հուսեյնի ճակատագիրը։
