23.06.2026 | 16:57
Փաշինյանի որոշմամբ ձևավորվել են առողջության համընդհանուր ապահովագրության հիմնադրամի մրցութային հանձնաժողովները
Ուկրաինական անօդաչու սարքերը կրկին հասել են Լենինգրադի մարզ
Քաղաքականություն
29.07.2024 | 16:29
Ռուսաստանի Պաշտպանության նախարարությունն այսօր առավոտյան հայտնել է, որ Լենինգրադի մարզում երեք ուկրաինական անօդաչու թռչող սարք են խոցել։ Տարածաշրջանի նահանգապետ Ալեքսանդր Դրոզդենկոն հայտնել է, որ հարձակման հետևանքով ոչ ոք չի տուժել։
«Այս գիշեր Լենինգրադի մարզում անօդաչու թռչող սարքեր են ոչնչացվել։ Զոհեր և ավերածություններ չկան»,- գրել է նա իր Telegram ալիքում։
Ռուսաստանի իշխանություններն առաջին անգամ այս տարվա հունվարին են հայտնել Լենինգրադի շրջանի վրա ուկրաինական անօդաչու թռչող սարքերի հարձակման մասին։ Ուկրաինայի սահմանից Սանկտ Պետերբուրգ հեռավորությունը մոտ 900 կմ է, գրում է BBC-ի ռուսական ծառայությունը։
Ընդհանուր առմամբ, Ռուսաստանի ՊՆ-ն հայտնել է, որ երկուշաբթի գիշերը ուկրաինական 39 անօդաչու թռչող սարք են խոցել Ռուսաստանի հինգ շրջաններում, այդ թվում՝ Լենինգրադում։
