06.12.2025 | 22:41
Պետք է շարունակենք մեր ծառայությունը բերել մեր ժողովրդին. Գարեգին Բ-ն` Փաշինյանի քայլերի մասին. ՏԵՍԱՆՅՈՒԹ
Ադրբեջանում անձրևները հեղեղներ են առաջացրել, քանդել ճանապարհներ և կամուրջներ, արգելափակվել են բնակավայրեր․ ԼՈՒՍԱՆԿԱՐՆԵՐ
Քաղաքականություն
29.07.2024 | 23:04
Ադրբեջանում տեղացած ինտենսիվ անձրևները հեղեղումներ և սելավներ են առաջացրել, փակել ճանապարհներ, ինչպես նաև բնակելի տներ հեղեղել, գրում են ադրբեջանական լրատվամիջոցները։
Սոցցանցերում տարածված տեսանյութերի համաձայն՝ ամենաշատը տուժել են Գեդաբեյի, Օղուզի, Գաբալայի, Իսմայիլի, Գուբայի և Աղդաշ շրջանները։ Սելավները քշել են գետաբերանները և քանդել կամուրջները։ Սողանքներ են տեղի ունեցել լեռնային ճանապարհներին, արգելափակվել են մի շարք բնակավայրեր։
Հաղորդվում է, որ Գուբայի շրջանում ջրհեղեղը քանդել է կամուրջ, իսկ վեց գյուղ ամբողջությամբ մեկուսացվել է շրջկենտրոնից։ Փլուզվել է Ալիքչայի կամուրջը, որը գտնվում է Գուբա-Խինալըգ ճանապարհի 42-րդ կիլոմետրում։ Արդյունքում Խինալըգ, Բոստանքեշ, Խապուտ, Չեք, Էլիք, Գալեյ-Խուդաթ գյուղերը կորցրել են կապը շրջկենտրոնի հետ։
Գյանջայում հեղեղները հանգեցրել են լուրջ հետևանքների։ Գյանջա-Բաքու ճանապարհին հեղեղը լցվել է Նիզամիի դամբարանի կամրջի տակ գտնվող թունելը: Արդյունքում ավտոճանապարհի երթևեկությունն ամբողջությամբ արգելափակվել է, վարորդները շարժվում են այլընտրանքային ճանապարհով։
Նշվում է, որ վերին ճանապարհին, որն օգտագործվում է որպես այլընտրանքային, սողանք է տեղի ունեցել, ասֆալտապատ ծածկի մի մասը փլվել է։
Հորդառատ տեղումների պատճառով տարբեր բնակավայրերում հեղեղվել են մարդկանց տների նկուղներն ու բակերը։ Հեղեղները մեծ վնաս են հասցրել նաև գյուղատնտեսական հողերին ու տնտեսական օբյեկտներին։
Էմմա Չոբանյան
