05.06.2026 | 00:45
Թող գա տեսնենք` ով ա կատուն, ով` առյուծը. Փաշինյանը` Ծառուկյանին. ՏԵՍԱՆՅՈՒԹ
Ժամանակավրեպ «արդիականության» և ժամանակից դուրս դուդուկի մասին. ապաքաղաքական զրույց Վաչե Շարաֆյանի հետ․ ՏԵՍԱՆՅՈՒԹ
Հաղորդաշարեր
28.07.2024 | 21:00
Factor TV-ի A-politic հաղորդաշարի հյուրն է կոմպոզիտոր Վաչե Շարաֆյանը: Համամատելով հայաստանյան և այլ երկրների հանդիսատեսին, նա նշում է, որ ընկալման յուրահատկությունները պայմանավորված են լեզուների տարբերությամբ, որոնցով խոսում են ազգերը: Երաժշտությունը, թեև միջազգային լեզու է՝ տարբեր ձևով է ընկալվում այս կամ այն լեզվի կրողներին կողմից:
Վաչե Շարաֆյանն անցել է ստեղծագործական երկար ճանապարհ, որը բերել է այսօրվա, իր խոսքով, «մաքրված» երաժշտական լեզվին: Հաղորդման հյուրն անիմաստ է համարում երաժշտությունը արհեստականորեն պարզեցնելը կամ բարդացնելը, նաև «ժամանակակից» երևալու փորձերը, որոնք սովորաբար արտահայտվում են ինչ-որ տեղ արդեն գոյություն ունեցող հնարքները փոխառելու մեջ:
Կոմպազիտորը, որը նաև դուդուկի մասին գրքերի հեղինակ է և հաճախ է իր երաժշտության մեջ օգտագործում այդ նվագարանը, հիշեցնում է, որ դուդուկը կարելի է համարել «դասական» փողային գործիքների «նախահայրը»: Բայց մեր այդ ազգային նվագարանը մնացել է մարդկային ձայնի ծավալի մեջ և առավել անմիջական է «խոսում» ունկնդրի հետ: Այդ առումով դուդուկը, ի հեճուկս իր ներկայիս կոմերցիան հաջողության, և՛ արդիական է, և՛ ժամանակից դուրս է:
Մանրամասները տեսանյութում:
