22.11.2024 | 17:15
Վեթինգի հակառակ կողմը․ հետաքննություններ՝ դատական համակարգում կոռուպցիա ծնող խորքային պատճառների մասին
Թույլ չտա՛լ Մոսկվային ստորություն անել մեր դեմ, սպառնում է մեզ․ հեռացրե՛ք 102-րդ բազան, հանել Իրանի և Թուրքիայի սահմանից․ Ռուբեն Մեհրաբյան. ՏԵՍԱՆՅՈՒԹ
Քաղաքականություն
26.07.2024 | 19:00
ՀՀ ԱԳՆ-ն պատասխանեց Ադրբեջանի ՊՆ-ի սպառնալից հայտարարությանը՝ պնդելով, որ ՀՀ-ին էսկալացիոն հռետորաբանության մեջ ներքաշելու փորձերն անընդունելի են, այն որակում է «անհասկանալի»:
Երևանը հիշեցնում է, որ Ադրբեջանը չի արձագանքում միջադեպերի հետաքննության մեխանիզմ ստեղծելու առաջարկին։ Իսկ Բաքուն պնդել էր՝ իբր «վերջին շրջանում հայկական ուժերն իբր ծանր զինատեսակներ են կիրառել Քելբաջարի և անօդաչու սարք՝ Թովուզի ուղղությամբ։ Եթե նման սադրիչ գործողությունները չդադարեն, ապա ինքնապաշտպանության նպատակով Ադրբեջանի ԶՈւ-ի զինանոցում գտնվող բոլոր միջոցների կիրառմամբ համապատասխան քայլեր կձեռնարկվեն»։
Բաքուն նաև քննադատել է արևմտյան պետություններին Հայաստանի հետ ռազմական համագործակցությունը խորացնելու համար.
«ԱՄՆ-ի կողմից ՀՀ-ում անցկացված զորավարժությունները, Ֆրանսիայի կողմից ՀՀ-ին մահաբեր զենքերի տրամադրումն ու ԵՄ կողմից՝ Խաղաղության եվրոպական հիմնադրամի քողի ներքո Երևանին 10 միլիոն եվրոյի ռազմական օգնության տրամադրումը, ոգեշնչում են օկուպացիոն ՀՀ-ին, որպեսզի նոր սադրանքների դիմի և Ադրբեջանի դեմ հերթական պատերազմին նախապատրաստվի»:
Դմիտրի Պեսկովը հայտարարել է․ «Մոսկվան ակնկալում է, որ Հայաստանը գործընկերների փնտրտուքի մեջ չի գնա Կիևի վարչակարգի ճանապարհով՝ ընտրելով Արևմուտքի և Ռուսաստանի միջև։ Մենք ապավինում ենք Հայաստանի քաղաքական իմաստությանը, պարզապես չէինք ցանկանա, որ այդ փնտրտուքները կատարվեին այն ռեժիմով, որը ժամանակին ընտրել էր Կիևը, այսինքն՝ «կամ-կամ»»,- մեկնաբանելով Եվրոպական խաղաղության գործիքի ներքո Հայաստանին աջակցության տրամադրման ԵՄ որոշումն՝ ասել է Դմիտրի Պեսկովը։
Նա նաև ընդգծել է, որ Հայաստանը Ռուսաստանի համար դաշնակից և եղբայրական երկիր է։ «Հանուն Հանրապետության» կուսակցության փոխնախագահ Ռուբեն Մեհրաբյանը Factor TV-ի հետ զրույցում ասում է․
«Կրեմլը սպառնաց ՀՀ-ին՝ Ուկրաինայի ճակատագրով, ասա՛, ո՞վ է այդ ՌԴ-ն, որ հարձակվելու է մեզ վրա, Ադրբեջա՞նն է, սա ահազանգ է։ Թույլ չտա՛լ Մոսկվային ստորություն անել մեր դեմ՝ հեռացրե՛ք 102-րդ բազան, սպառնո՛ւմ է մեզ, հանել նրա սահմանապահներին Իրանի և Թուրքիայի սահմանից։ Ադրբեջանին կզսպենք՝ Արևմուտքի հետ դաշինքով, բանակը արդիականացնելով․ ռազմական գործակցությունը ավելի՛ խորացնելով։ Իրավիճակն էսկալացնողը ՌԴ-ն է, Ալիևը նրա խոսնակն է, սպառնալիքի գինը պիտի Մոսկվան վճարի՝ ՀՀ-ում թուլացնելով ռուսական ազդեցությունը։ ՌԴ-ն և Ադրբեջանը շանտաժով ուզում են բերման ենթարկել ՀՀ-ին՝ Արևմուտքի հետ գործակցությանը վերջ տալու»,- ասաց Ռուբեն Մեհրաբյանը։
Հարցազրույցն ամբողջությամբ՝ տեսանյութում։
Ռոբերտ Անանյան
