06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Սամվել Վարդանյանի խափանման միջոցը փոխվել է
Հասարակություն
25.07.2024 | 21:43
Սամվել Վարդանյանի նկատմամբ կիրառված խափանման միջոց տնային կալանքը փոխվել է վարչական հսկողության՝ գործով անցնող անձանց հետ շփում չունենալու պայմանով: Այս մասին հայտնել է փաստաբան Ռուբեն Մելիքյանը։
Փաստաբանի խոսքով՝ ուժի մեջ են նաև 7 մլն դրամի չափով գրավն ու բացակայելու արգելքը։
Հիշեցնենք՝ հասարակական տրանսպորտում ՔՊ-ական պատգամավոր Հակոբ Ասլանյանի հետ ունեցած միջադեպից հետո Սամվել Վարդանյանին մեղադրանք էր առաջադրվել խուլիգանության և քաղաքական կամ այլ հայացքներով պայմանավորված թշնամանք կամ անհանդուրժողականություն հրահրելու հոդվածներով: Վարդանյանի նկատմամբ կիրառվել է տնային կալանք և 7 միլիոն դրամ գրավ։
Սամվել Վարդանյանի նկատմամբ քրեական վարույթ էր նախաձեռնվել խուլիգանության հոդվածով։ Այնուհետև մեղադրանքը լրացվել էր քաղաքական հիմքով թշնամանք, անհանդուրժողականություն հրահրելու հոդվածով։
Հավելենք, որ ՔՊ-ական պատգամավոր Հակոբ Ասլանյանի հասցեին հասարակական տրանսպորտում վիրավորական արտահայտություններ հնչեցրած Սամվել Վարդանյանի պաշտպաններ Ռուբեն Մելիքյանն ու Վարազդատ Հարությունյանը հայտարարել էին, որ դիմակավորված անձինք ծնկի են բերել Սամվելին, թքել նրա վրա, սեռական բնույթի հայհոյանքներ հնչեցրել։
