30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Երևան-Բաթում չվերթի ինքնաթիռը վթարային վայրէջք է կատարել չվերթից 20 րոպե անց, թռիչքը կայացել է որոշ ուշացումով․ ՏԵՍԱՆՅՈՒԹ
25.07.2024 | 16:59
Ֆեյբուք սոցիալական ցանցում մի քանի օգտատերեր լուսանկարներ և կարճ տևողությամբ տեսանյութեր են հրապարակել և ահազանգել, որ «Հայկական ավիաուղիներ»-ի Երևան-Բաթում չվերթի ինքնաթիռը տեխնիկական խնդիրների պատճառով օդ բարձրանալուց 20 րոպե անց վթարային վայրէջք է կատարել «Զվարթնոց» օդանավակայանում։
Խնդրի հետ կապված «Զվարթնոց» օդանավակայանի մամուլի խոսնակ Լուսինե Մողրովյանը Factor.am-ի հետ զրույցում պարզաբանեց, որ ինքնաթիռն օդանավակայան է վերադարձել, բայց մի փոքր ուշացումով չվերթը կայացել է։
Թե ինչ տեխնիկական խնդիրների պատճառով է ինքնաթիռը վթարային վայրէջք կատարել, «Զվարթնոց» օդանավակայանից չհայտնեցին՝ նշելով, որ ավիաընկերությունը պետք է մեկնաբանի չվերթի վերադարձի պատճառները:
Factor.am-ինմինչև այս պահը չի հաջողվել «Հայկական ավիաուղիներ»-ից մեկնաբանություն ստանալ․ «Սփյուռ»-ում նշված հեռախոսահամարը չի պատասխանում։
