28.05.2026 | 23:35
Որտե՞ղ է կռվել Արթուր Օսիպյանը․ Նիկոլ Փաշինյանին արձագանքում են Օսիպյանի մարտական ընկերները
Ռումինիան իր տարածքում ռուսական անօդաչու թռչող սարքի բեկորներ է հայտնաբերել
Քաղաքականություն
25.07.2024 | 20:43
Ռումինիայի պաշտպանության նախարարությունը հայտնել է, որ ռուսական կամիկաձե անօդաչու թռչող սարքի բեկորներ են հայտնաբերվել Պլաուրու քաղաքի մոտ, որը գտնվում է Ուկրաինայի հետ սահմանի մոտ, փոխանցում է BBC-ի ռուսական ծառայությունը։
Ռումինիայի պաշտպանության դեպարտամենտի կայքում հրապարակված հաղորդագրության մեջ ասվում է, որ մասնագետները բեկորներ են հայտնաբերել ռուսական անօդաչու թռչող սարքերի երեք հնարավոր կործանման վայրերից մեկում։ Դրանք իդենտիֆիկացվել են որպես Geranium 1/2 տիպի անօդաչու թռչող սարքի բեկորներ։
Ըստ ԶԼՄ-ների՝ Geranium անօդաչու թռչող սարքը «Շահեդ» տեսակի անօդաչու թռչող սարքի անալոգն է, որը Ռուսաստանը սկզբում ստացել է Իրանից, ապա սկսել է ինքնուրույն արտադրել։ Ռումինացի զինվորականները շարունակում են բեկորների որոնումները այլ շրջաններում:
«Մենք ընդգծում ենք, որ բոլոր այն վայրերը, որոնք ճանաչվել են որպես հնարավոր միջադեպերի գոտիներ, գտնվում են բնակեցված տարածքներից դուրս և այնտեղ ենթակառուցվածքներ չկան», -հայտնել է Ռումինիայի պաշտպանության նախարարությունը:
Ռումինիայի ՊՆ-ի հաղորդագրության մեջ նաև ասվում է, որ ռուսական գրոհի ժամանակ Ֆինլանդիայի ռազմաօդային ուժերի երկու F-18 կործանիչներ օդ են բարձրացել Կոնստանցա քաղաքի մոտ գտնվող 57-րդ ավիաբազայից։
