30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Պուտինն ընդունել է Ասադին
Քաղաքականություն
25.07.2024 | 15:03
Սիրիայի նախագաh Բաշար Ասադը ժամանել է Մոսկվա և ՌԴ նախագահ Վլադիմիր Պուտինի հետ քննարկել Մերձավոր Արևելքում իրավիճակի սրացումը, գրում է ՌԲԿ-ն։
Մերձավոր Արևելքում իրավիճակը վատթարանալու միտում ունի, այն ուղղակիորեն ազդում է Սիրիայի վրա։ Այս մասին հայտարարել է Պուտինը իր սիրիացի գործընկեր Բաշար ալ Ասադի հետ հանդիպմանը։ Նրա խոսքերը մեջբերում է Կրեմլի մամուլի ծառայությունը։
«Մենք հնարավորություն ունենք խոսելու մեր հարաբերությունների ամբողջ համալիրի մասին, մենք վաղուց չենք տեսնվել։ Իհարկե, ինձ շատ է հետաքրքրում ձեր կարծիքը, թե ինչպես է զարգանում իրավիճակը տարածաշրջանում ընդհանուր առմամբ։ Ցավոք սրտի, այն սրման միտում ունի, մենք դա տեսնում ենք։ Դա ուղղակիորեն վերաբերում է նաև Սիրիային»,- ասել է Պուտինը։
Ասադն էլ իր հերթին շատ կարևոր է համարել Պուտինի հետ բանակցությունները՝ ամբողջ աշխարհում և Եվրասիական տարածաշրջանում իրադարձությունների հնարավոր հեռանկարների և սցենարների շուրջ։
Սիրիայի նախագահը Մոսկվա է ժամանել նախօրեին՝ հուլիսի 24-ին։ Նրա նախորդ այցը Ռուսաստան տեղի էր ունեցել 2023 թվականի մարտի 15-ին։ Պուտինի հետ հանդիպման ժամանակ Սիրիայի նախագահը աջակցություն էր հայտնել ՌԴ-ին Ուկրաինայում ռազմական գործողությունների համատեքստում։
2024 թվականի մարտին Պուտինը և Ասադը հեռախոսազրույց էին ունեցել, որի ընթացքում նշվել էր Մերձավոր Արևելքի ճգնաժամային իրավիճակը և Սիրիայի համար ահաբեկչական վտանգը։
