07.10.2026 | 22:05
Վրաստանի կրթության, գիտության և երիտասարդության նախարարի հետ քննարկվել են համագործակցության հեռանկարները
ՌԴ ռազմաօդային ուժերի նոր հրամանատար է նշանակվել
Քաղաքականություն
25.07.2024 | 11:47
Ռուսաստանի ռազմաօդային ուժերի նոր հրամանատար է նշանակվել գեներալ-լեյտենանտ Սերգեյ Կոբիլաշը, որը նախկինում ղեկավարել է Ռուսաստանի հեռահար ավիացիան։ Այս մասին հաղորդագրություն է հրապարակվել ՌԴ պաշտպանության նախարարության կայքում, փոխանցում է DW-ի ռուսական ծառայությունը։
Կոբիլաշը ծնվել է 1965 թվականին Օդեսայում։ Ավարտել է Եիսկի օդաչուների բարձրագույն ռազմական ավիացիոն ուսումնարանը, Գագարինի ռազմաօդային ակադեմիան և ՌԴ զինված ուժերի գլխավոր շտաբի ռազմական ակադեմիան։ 2023 թվականի հունվարին Ուկրաինայի անվտանգության ծառայությունը հայտարարեց, որ նա կասկածվում է Ուկրաինայում քաղաքացիական օբյեկտների գնդակոծման մեջ՝ նշելով, որ համապատասխան ապացույցներ է հավաքել։
Կոբիլաշի փոխարեն ռուսական հեռահար ավիացիան գլխավորել է գեներալ-մայոր Սերգեյ Կուվալդինը։ Ռուսաստանի Դաշնության հեռահար ավիացիայի կազմում ընդգրկված են ռազմավարական հրթիռակիրներ Տու-95ՄՍ, Տու-160 և Տու-22Մ3 հեռահար ռմբակոծիչներ։ Դրանք բազմիցս օգտագործվել են Ուկրաինայի տարածքին հարվածելու համար։
