13.12.2024 | 12:49
Կարմիրբերետավորը մսավաճառի պարանոցից սեղմած քարշ է տալիս․ ԳՈՒՄ-ի շուկայից բերման ենթարկվածներ կան. ՏԵՍԱՆՅՈՒԹ
ՌԴ Կալուգայի մարզում Մի-28 ուղղաթիռ է կործանվել, անձնակազմը զոհվել է
Քաղաքականություն
25.07.2024 | 11:32
Պլանային թռիչք կատարելիս Մի-28 ուղղաթիռ է կործանվել Ռուսաստանի Կալուգայի մարզում, գրում է Meduza-ն։
«Ուղղաթիռն ընկել է ամայի տարածքում, ավերվածություններ չկան։ Անձնակազմը զոհվել է»,- հայտնել են ՌԴ ՊՆ-ից։ Մի-28 ուղղաթիռի անձնակազմը բաղկացած է երկու հոգուց։
Ուղղաթիռը կործանվել է Ժիզդրինսկի շրջանում։ Այս մասին հայտնել է նահանգապետ Վլադիսլավ Շապշան։ Ժիզդրինսկի շրջանի ղեկավար Ալեքսանդր Բարիբինը ՏԱՍՍ-ին ասել է, որ ուղղաթիռը կործանվել է Կլենկի գյուղի մոտ գտնվող անտառում։
ՌԴ ՊՆ-ից հայտնել են, որ նախնական տեղեկություններով՝ ուղղաթիռը կործանվել է տեխնիկական անսարքության պատճառով։ Վթարի վայրում աշխատում են օպերատիվ խումբ, փրկարարները և ՌԴ օդատիեզերական ուժերի հանձնաժողովը։
