23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
Թուրքիայի ԱԽ այսօրվա նիստում կքննարկվի Հայաստանի ու Ադրբեջանի միջև խաղաղության գործընթացը
Քաղաքականություն
25.07.2024 | 10:50
Թուրքիայի Ազգային անվտանգության խորհուրդն Էրդողանի նախագահությամբ այսօր այս տարվա 4-րդ նիստն է անցկացնելու։
Թուրքական լրատվամիջոցների հաղորդմամբ՝ հանդիպման առաջին թեման «անդրսահմանային հակաահաբեկչական գործողություններն են», քննարկվելու են Սիրիայի հետ հարաբերությունների կարգավորման ուղղությամբ ձեռնարկվելիք քայլերը, ինչպես նաև՝ «Պաղեստինում Իսրայելի իրականացրած ջարդերը»։
Հաղորդվում է, որ քննարկվելու են նաև տարածաշրջանային ու միջազգային հարցեր, այդ թվում՝ Հայաստանի ու Ադրբեջանի միջև կարգավորման գործընթացը։
«Ազգային անվտանգության խորհրդի նիստում կքննարկվեն նաև տարածաշրջանային և միջազգային այլ հարցեր, ինչպիսիք են ռուս-ուկրաինական պատերազմը, Ադրբեջանի և Հայաստանի միջև խաղաղության գործընթացը, Կիպրոսի իրադարձությունները և Հունաստանի հետ հարաբերությունները»,- նշում են լրատվամիջոցները։
