26.06.2026 | 16:09
Ինչ-որ մեկը գնահատե՞լ է՝ ինչ ազդեցություն է ունեցել Թրամփի կամ Մակրոնի աջակցությունը․ Վարդևանյան. ՏԵՍԱՆՅՈՒԹ
200 մլն դոլար վարկ՝ Քաջարանի թունելի կառուցման համար
Տնտեսություն
25.07.2024 | 09:30
Կառավարության այսօրվա նիստում չզեկուցվող փաթեթով ընդրգրկված է «Հայաստանի Հանրապետության և Եվրասիական զարգացման բանկի միջև Կայունացման և զարգացման եվրասիական հիմնադրամի միջոցներից «Քաջարանի թունելի շինարարություն» ծրագրի ֆինանսավորման համար ներդրումային վարկի տրամադրման մասին» համաձայնագրի ստորագրման առաջարկությանը հավանության տալու մասին հարցը։
Ըստ այդ համաձայնագրի՝ Կայունացման և զարգացման եվրասիական հիմնադրամի միջոցներից Հայաստանին կտրամադրվի 2 հարյուր միլիոն դոլարի չափով ներդրումային վարկ «Քաջարանի թունելի շինարարություն» ծրագրի ֆինանսավորման համար։
Ծրագրի նպատակն է «Հյուսիս-Հարավ» ավտոճանապարհային միջանցքի հատվածում տարանցիկ փոխադրումների ներուժի բարձրացումն ու վթարայնության նվազեցումը։
Տեղեկացնենք, որ ծրագրով նախատեսվում է իրականացնել Քաջարանի շուրջ 7.0 կմ երկարությամբ թունելի կառուցման և գոյություն ունեցող Մ2 Երևան-Երասխ-Գորիս-Մեղրի-Իրանի սահման շուրջ 4 կմ (Քաջարանի թունելի մուտք – Սիսիան-Քաջարան նախատեսվող նոր ճանապարհահատվածի խաչմերուկ) երկարությամբ հատվածի վերակառուցման աշխատանքները:
Կառավարության ներկայացրած հիմնավորմամբ Քաջարանի թունելի շինարարության համար նախատեսվում է օտարել շուրջ 160 հողամաս: Նախատեսված շինարարական աշխատանքների նախահաշվային արժեքը կազմում է 144,6 մլրդ դրամ կամ շուրջ 369 մլն դոլար։ Աշխատանքները պետք է ավարտվեն 6 տարվա ընթացքում։
