Հայտնաբերվել է ապօրինի թմրաշրջանառության շղթա. Քրեական ոստիկանության բացահայտումը․ ՏԵՍԱՆՅՈՒԹ

Լուրեր

20.11.2026 | 10:58
Թրամփը համաձայն է Ուկրաինայի վերաբերյալ որոշումներ չկայացնել՝ առանց Կիևի անմիջական մասնակցության
20.11.2026 | 10:50
Հայ ծանրոդների մրցելույթների ծամանակացույցը Դոհայի վարկանիշային մրցաշարում
20.11.2026 | 10:43
ՀՀ դեսպանը մասնակցել է Թրամփի Մար-ա-Լագո առանձնատանը կայացած միջոցառմանը․ շփումներ է ունեցել ԱՄՆ պաշտոնյաների հետ․ ԼՈՒՍԱՆԿԱՐՆԵՐ
20.11.2026 | 10:34
Երեխաների նկատմամբ բռնությունը, բուլինգը և կրթության հասանելիությունը շարունակում են խնդիր մնալ․ ՄԻՊ
20.11.2026 | 10:25
ՌԴ-ն զանգվածային հրթիռային հարված է հասցրել Ուկրաինային․ Կիևում երեք կամուրջ է վնասվել, զոհեր կան
20.11.2026 | 10:15
ՀՀ տարածքում ավտոճանապարհները հիմնականում անցանելի են
20.11.2026 | 10:10
Ռոբերտ Քոչարյանի և մյուսների գործով դատական նիստը՝ ՈՒՂԻՂ
20.11.2026 | 10:09
«Ականատես»-ը ներկայացնում է ԱԺ ընտրությունների դիտորդական առաքելության ամփոփիչ զեկույցը. ՈՒՂԻՂ
20.11.2026 | 10:00
ԱԺ-ն շարունակում է քննարկել 2027 թվականի բյուջեի նախագիծը. ՈՒՂԻՂ
20.11.2026 | 09:55
«Կամավորների կոալիցիան» խոստացել է շարունակել աջակցությունն Ուկրաինային ու ձմռանը էներգետիկ հրադադարի կոչ արել
20.11.2026 | 09:46
Երևանում հրդեհ է բռնկվել խմորեղենի արտադրամասում․ դեպքի վայր է մեկնել հրշեջների 4 մարտական հաշվարկ
20.11.2026 | 09:30
Ամփոփիչ մրցաշար. Առաջին ռակետը 100 տոկոսանոց արդյունքով է դուրս եկել կիսաեզրափակիչ. ՏԵՍԱՆՅՈՒԹ
19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
Բոլորը

Քրեական ոստիկանության թմրամիջոցների անօրինական շրջանառության դեմ պայքարի վարչությունում ստացված օպերատիվ տվյալներն իրացվեցին հուլիսի 15-ին: Վարչության ծառայողները, համագործակցելով Էրեբունու բաժնի քրեական հետախույզների և պարեկների հետ, ապօրինի թմրամիջոց պահելու, ձեռք բերելու և իրացնելու կասկածանքով ժամը 22.30-ին Էրեբունու փողոցում ձերբակալեցին և ոստիկանության Էրեբունու բաժին ներկայացրին 67-ամյա և 43-ամյա երկու տղամարդու` վերջինիս վարած «Կիա Սորենտո» մեքենայով հանդերձ: Խուզարկությամբ մեքենայում հայտնաբերվեց փաթեթ` մարիխուանա տեսակի թմրամիջոցի նմանվող մոտ 160 գրամ զանգվածով․ տեղեկացնում են ՆԳՆ ոստիկանությունից։

Հետագա միջոցառումներով պարզվեց, որ 67-ամյա տղամարդը թմրանյութը ձեռք է բերել Նոր Արեշի 2-րդ փողոցի մի առանձնատնից։

Օպերատիվ-հետախուզական միջոցառումները շարունակվեցին հուլիսի 16-ին: Այս անգամ Քրեական ոստիկանության ծառայողները համագործակցեցին Կենտրոնականի քրեական հետախույզների և պարեկների հետ: Մայրաքաղաքի Ալեք Մանուկյան փողոցում, ապօրինի թմրամիջոց ձեռք բերելու և իրացնելու կասկածանքով, ժամը 22.35-ին ձերբակալվեց և, մեքենայով հանդերձ, ոստիկանության Կենտրոնական բաժին տեղափոխվեց 33-ամյա մի տղամարդ: Անձնական խուզարկությամբ նրա պայուսակում հայտնաբերվեց սպիտակ և կանաչ գույնի յոթ փաթեթ` մեթամֆետամինի նմանվող բյուրեղանման զանգվածով, որոնց ընդհանուր քաշը կազմեց 4,73 գրամ: Հայտնաբերվեց նաև ծալովի դանակ:

Կենտրոն և Նորք Մարաշ վարչական շրջանների քննչական 2-րդ բաժնում նախաձեռնվեց քրեական վարույթ: Քննչական գործողություններով և օպերատիվ-հետախուզական միջոցառումներով հաջողվեց պարզել, որ նա նույնպես թմրամիջոցները ձեռք է բերել Նոր Արեշի 2-րդ փողոցի երկու բնակչից:
Շարունակելով Կենտրոնականի ոստիկանների հետ համագործակցությունը` ՔՈԳՎ թմրանյութերի անօրինական շրջանառության դեմ պայքարի վարչության ծառայողները հուլիսի 18-ին, ժամը 17.50-ին, Արշակունյաց և Ագաթանգեղոսի փողոցների խաչմերուկում նույն կասկածանքով ձերբակալեցին Նոր Արեշի 2-րդ փողոցի բնակիչ 33-ամյա տղամարդուն: Նրա մոտ հայտնաբերվեց ընդհանուր 92,7 գրամ քաշով պոլիէլիթենային տոպրակ՝ լցված մարիխուանայի նմանվող զանգվածով:

Միջոցառումները շարունակվեցին քննչական 2-րդ բաժնի աշխատակիցների հետ համագործակցությամբ:

Դատարանի որոշմամբ խուզարկություն կատարվեց նրա բնակության վայրում` Նոր Արեշի 2-րդ փողոցի առանձնատանը: Հայտնաբերվեցին առանձնապես խոշոր չափերի` մոտ 300 գրամ մարիխուանա և մոտ 20 գրամ մեթամֆետամին, էլեկտրական կշեռքներ, հարյուրդոլարանոց 122 կեղծ թղթադրամ, նաև թմրանյութերի պատրաստման, օգտագործման ու իրացման համար նախատեսված պարագաներ։ Նույն օրը խուզարկություն կատարվեց նաև Նոր Արեշի 2-րդ փողոցում փաստացի բնակվող մյուս տղամարդու առանձնատանը: Այստեղ էլ հայտնաբերվեց 14 կեղծ հարյուրդոլարանոց և տարբեր տեսակի հոգեմետ 288 դեղահաբ։
Խուզարկություն կատարվեց նաև նորարեշցիներից թմրանյութը ձեռք բերած 33-ամյա տղամարդու բնակության վայրում` մայրաքաղաքի Աղբյուր Սերոբի փողոցի առանձնատանը: Հայտնաբերվեցին առանձնապես խոշոր չափերի` մոտ 25 գրամ մեթամֆետամին և մոտ 600 գրամ մարիխուանա, էլեկտրական կշեռքներ, նաև թմրանյութերի իրացման համար նախատեսված պարագաներ։

Չորս տղամարդիկ կալանավորվել ու տեղափոխվել են քրեակատարողական հիմնարկ։ Նախաքննությամբ հանգամանքները պարզվում են: