08.12.2025 | 22:30
Չինաստանը մարդանման ռոբոտներ կտեղակայի Վիետնամի սահմանին պարեկության համար
Անհրաժեշտ է կապեր հաստատել Հայաստանի և Իսլանդիայի գործարար շրջանակների միջև. Սուրեն Կարայան
Տնտեսություն
11.07.2017 | 19:48
ՀՀ տնտեսական զարգացման և ներդրումների նախարար Սուրեն Կարայանն այսօր հանդիպել է Հայաստանի Հանրապետությունում Իսլանդիայի Հանրապետության նորանշանակ արտակարգ և լիազոր դեսպան Սիգրիդուր Բերգլինդ Այսգեյրսդոտիրի հետ։ Սուրեն Կարայանը շնորհավորել է դեսպանին նոր պաշտոնի կապակցությամբ և հաջողություններ մաղթել դիվանագիտական առաքելությունն իրականացնելու գործում։ Նախարարը դեսպանի հետ քննարկել է երկու երկրների առևտրատնտեսական կապերն աշխուժացնելու հնարավոր տարբերակները։
Այս մասին հայտնում են ՀՀ տնտեսական զարգացման և ներդրումների նախարարությունից։
Զրույցի ընթացքում կողմերը մասնավորապես անդրադարձել են զբոսաշրջության ոլորտին։ Դեսպանն առաջարկել է փոխանակվել ոլորտի զարգացման փորձով և ծրագրերով, քանի որ թե՛ Հայաստանի և թե՛ Իսլանդիայի համար զբոսաշրջության ոլորտը առաջնահերթություններից մեկն է։
Տնտեսական զարգացման և ներդրումների նախարար Սուրեն Կարայանը Իսլանդիայի Հանրապետության դեսպան Սիգրիդուր Բերգլինդ Այսգեյրսդոտիրին է ներկայացրել Հայաստանում ներդրումներ կատարելու առավելությունները և ներդրումային միջավայրի բարելավմանն ուղղված ՀՀ կառավարության քայլերը։
Նախարարն ընգծել է, որ անհրաժեշտ է կապեր հաստատել Հայաստանի և Իսլանդիայի գործարար շրջանակների միջև՝ զարկ տալու առևտրատնտեսական կապերին և առևտրաշրջանառությանը։
