09.04.2026 | 18:21
Ադրբեջանի հետ խաղաղությունը կհանգեցնի հայ-թուրքական սահմանի բացմանը. թուրք պատգամավոր
Թուրքիայի ՊՆ ղեկավարն արձագանքել է հույն նախարարի՝ «մեր F-35-ը մի գիշեր հանկարծակի կարող են գալ Անկարա» արտահայտությանը
Քաղաքականություն
24.07.2024 | 23:18
Թուրքիայի պաշտպանության նախարար Յաշար Գյուլերն արձագանքել է Հունաստանի առողջապահության նախարարի հայտարարությանը, որ «F-35-ները մի գիշեր հանկարծ կարող են գնալ Անկարա», փոխանցում են թուրքական լրատվամիջոցները;
«Ամեն տարի 60 միլիոն զբոսաշրջիկ է գալիս Թուրքիա, նրանք կարող են գալ։ Համեցեք, սպասում ենք»,- ասել է Գյուլերը լրագրողների հետ զրույցում։
Հիշեցնենք, որ Հունաստանի առողջապահության նախարար Ադոնիս Գեորգիադիսն արձագանքել էր Կիպրոս ներխուժման 50-ամյակի կապակցությամբ Թուրքիայի ՊՆ հայտարարություններին։ Open TV-ի հետ զրույցում Գեորգիադիսն ասել էր, որ Հունաստանը կարող է հանկարծակի մեկ գիշերում իր F-35-ներով գնալ Անկարա։
«Ես լսում եմ «հանկարծ մի գիշեր» արտահայտությունը և ծիծաղում։ Մենք էլ կարող ենք հանկարծ մի գիշերում F-35-ներով գնալ Թուրքիա։ Դուք տեսե՞լ եք, թե ինչ կատարվեց Եմենում։ Եթե դուք ունեք անորսալի F-35-ներ, կարող եք հանկարծ մի գիշեր հայտնվել Անկարայում։ Ես չեմ ասում, որ մենք դա կանենք, քանի որ չենք ուզում, բայց ես ծիծաղում եմ, երբ Էրդողանն է ասում դա: Ինչո՞վ եք գալու Հունաստան մի գիշեր։ Ձեր հագած կոշիկներո՞վ»,-ասել էր նախարարը։
Թուրքիայի նախագահ Ռեջեփ Թայիփ Էրդողանը նման հռետորաբանություն էր օգտագործել երկու տարի առաջ, երբ սպառնացել էր Հունաստանին, թե Անկարան կարող է հարձակվել «հանկարծ մի գիշեր»:
