12.12.2024 | 17:32
18-ամյա հնդիկ Դոմարաջուն՝ շախմատի աշխարհի 18-րդ չեմպիոն
Գագիկ Խաչատրյանի գործի դատաքննությունը սկսվում է նորից
Հասարակություն
24.07.2024 | 17:20
ՊԵԿ նախկին նախագահ, Ֆինանսների նախկին նախարար Գագիկ Խաչատրյանի գործն ուղարկվել է Հակակոռուպցիոն դատարան և մակագրվել դատավոր Գիվի Հովհաննիսյանին։ Խաչատրյանը չէր ներկայացել այսօրվա նիստին առողջական խնդիրների պատճառով: Դատավոր Գիվի Հովհաննիսյանը առանց մեղադրյալի համաձայնությունը ստանալու չթույլատրեց միստի տեսանկարահանումը:
Հիշեցնենք, որ Խաչատրյանի և նրա եղբորորդու՝ Կարեն Խաչատրյանի գործն ուղարկվել է Երևանի դատարան, որը մակագրվել է դատավոր Արթուր Մկրտչյանին։ Մինչև 2024 թվականի հունիսը քննելով գործը, Մկրտչյանն այն չի ավարտել ու թոշակի է անցել։ Դրանից հետո գործը մակագրվել է դատավոր Տաթևիկ Մուրադյանին, որն էլ այն ուղարկել է Հակակոռուպցիոն դատարան՝ հաշվի առնելով, որ Խաչատրյաննների գործը կոռուպցիոն բնույթ ունի։
Նշենք, որ Գագիկ Խաչատրյանի մեղադրանքը պաշտպանող դատախազը երեկ ՀՀ գլխավոր դատախազ Աննա Վարդապետյանի հրամանով նշանակվել է Արագածոտնի մարզի դատախազ։ Այժմ նա շարունակելու է պաշտպանել այս մեղադրանքը, թե ոչ, մեզ հայտնի չէ։
Արաքս Մամուլյան
