09.09.2026 | 11:48
ԱՄՆ-ն հայտնել է իրանական 5 լցանավերի ոչնչացման մասին․ Թեհրանը թիրախավորել է Հորդանանում ամերիկյան ռազմաբազան
Ադրբեջանում վերականգվել է «ՌԻԱ Նովոստիի» կայքի հասանելիությունը, որը Բաքուն արգելափակել էր Արտակ Բեգլարյանի հետ հարցազրույցի պատճառով
Քաղաքականություն
23.07.2024 | 22:53
Ադրբեջանում վերականգնվել է ռուսական «ՌԻԱ Նովոստիի» լրատվական գործակալության կայքի հասանելությունը։ Այս մասին հայտնում են ադրբեջանական լրատվամիջոցները։
Նշենք, որ լրատվամիջոցը արգելափակվել էր 2022 թ-ի հունիսին Արցախի պետնախարար Արտակ Բեգլարյանի հետ հարցազրույցի հրապարակման համար։
Ադրբեջանի ԱԳՆ-ն հայտարարություն էր տարածել՝ նշելով, թե դա հակասում է Ադրբեջանի և Ռուսաստանի միջև բարեկամության, անվտանգության և ռազմավարական գործընկերության համաձայնագրի և Դաշնակցային փոխգործակցության մասին հռչակագրի դրույթներին։
««ՌԻԱ Նովոստիի» կողմից Ադրբեջանի տարածքային ամբողջականության դեմ և անջատողական միտումներ քարոզող տեղեկատվության տարածումը չի համապատասխանում Ադրբեջանի և Ռուսաստանի միջև բարեկամական հարաբերությունների ոգուն և լուրջ ափսոսանք է առաջացնում»,- հայտարարել էր Ադրբեջանի ԱԳՆ այդ ժամանակվա մամուլի ծառայության ղեկավար Լեյլա Աբդուլլաևան։
Դրանից հետո ռուսական լրատվամիջոցը կայքից հեռացրել էր 2022 թ-ի հունիսի 3-ին հրապարակված հարցազրույցը։
Էմմա Չոբանյան
