Եթե Փաշինյանը գնա Բաքու, Ալիևը չի ազատի հայ գերիներին․ բայց կարելի է դա առաջարկել, սխալ կլինի հենց այնպես գնալ․ Տաթևիկ Հայրապետյան․ ՏԵՍԱՆՅՈՒԹ

Ադրբեջանը Հայաստանին պաշտոնապես հրավիրել է՝ մասնակցելու Բաքվում նոյեմբերին կայանալիք COP29 գագաթնաժողովին, կիրակի օրը հայտարարել է Ադրբեջանի նախագահի օգնական Հիքմեթ Հաջիևը։ Վարչապետի մամուլի խոսնակը, անդրադառնալով Նիկոլ Փաշինյանի Բաքու մեկնելու և COP29 ֆորումին մասնակցելու վերաբերյալ խոսակցություններիн, շաբաթներ առաջ ասել էր, որ վարչապետի աշխատանքային օրակարգում նման այց չի պլանավորվում: Բայց սա նոր և պաշտոնական հրավեր է։

Վերջին 3 տարում COP կլիմայական համաժողովին մասնակցել է ՀՀ նախագահ Վահագն Խաչատուրյանը, իսկ մինչ այդ՝ հիմնականում Բնապահպանության նախարարներն են ներկա գտնվել։ Հաջիևը հայտարարել է, որ Հայաստանին առաջարկել են համաձայնեցնել խաղաղության պայմանագրի հիմնարար սկզբունքները նախքան լայնածավալ պայմանագրի կնքումը։ Խոսքը շրջանակային համաձայնագրի կնքման մասին 1 Առաջարկին զուգահեռ, սակայն, Ալիևի օգնական Հաջիևն պնդել է Բաքվի պահանջը՝ փոխել Հայաստանի Սահմանադրությունը։

Երևանը, մինչդեռ, ադրբեջանական այս պահանջը Հայաստանի ներքին գործերին միջամտելու փորձ է որակում։ Հայկական կողմը նաև բազմիցս հայտարարել է, որ տարածքային պահանջներ չունի։ Միաժամանակ, Շուշիում մեդիաֆորումի ժամանակ Իլհամ Ալիևը հերթական անգամ Հայաստանի Հանրապետության տարածքը ներկայացրել է իբրև ադրբեջանական, և «Արևմտյան Ադրբեջան» է կոչել։

Ադրբեջանի հարցերով փորձագետ, պատմագիտության թեկնածու Տաթևիկ Հայրապետյանը Factor TV-ի հետ զրույցում ասում է, որ Ադրբեջանը խորամանկ քայլի է գնացել․ «Ալիևը մի կողմից ՀՀ-ն կոչում է «Արևմտյան Ադրբեջան», խոսում է ադրբեջանցիների վերադարձի հարցից, բայց մյուս կողմից ՀՀ ներկայացուցչին Բաքու հրավիրեցին։ Նա այսպիսով փորձում է պարտադրել ՀՀ-ին՝ ընդունել պատերազմի արդյունքը, թուրը համբուրել։ Եթե նույնիսկ Նիկոլ Փաշինյանը գնա Բաքու, Ալիևը չի ազատի հայ ռազմագերիներին։ Բայց ՀՀ-ն կարող է այդ առաջարկն անել, անիմաստ կլինի հենց այնպես Բաքու գնալ, դա սխալ կլինի»,- ասաց Հայրապետյանը;

Նա նշում է, որ հակահայկական քարոզչությունը պետական քաղաքականություն դարձրած Իլհամ Ալիևը ՀՀ-ի դեմ զավթողական նպատակ ունի, ինչի մասին վկայեց նաև Շուշիում նրա խոսքը, թե ՀՀ-ի ներկայիս տարածքը իրենցից «օկուպացված հողերն ե»։ Հայրապետյանը նաև ձախողված որակեց ԱՄՆ-ի միջնորդական ջանքերը, նշելով որ Ալիևը հեգնանքով ոչնչացնում է ԱՄՆ-ի հեղինակությունը, և դրան ոչինչ չի հաջորդում։

Հարցազրույցն ամբողջությամբ՝ տեսանյութում։

Ռոբերտ Անանյան