21.07.2026 | 14:33
Իրանը հայտարարել է Բահրեյնի ավիաբազայի ամերիկյան թիրախների վրա հարձակման մասին
Պեսկովը ԵՄ-ին մեղադրել է «գողության» համար
Քաղաքականություն
23.07.2024 | 16:46
Ռուսաստանն անպատասխան չի թողնի Եվրամիության՝ ռուսական սառեցված ակտիվներից ստացված միջոցներն Ուկրաինայի համար զենք գնելու համար օգտագործելու ծրագրերը, հայտարարել է Վլադիմիր Պուտինի մամուլի քարտուղար Դմիտրի Պեսկովը, փոխանցում է BBC-ի ռուսական ծառայությունը։ Պեսկովը ԵՄ մտադրությունները «գողություն» է անվանել։
«Իհարկե, մենք կուսումնասիրենք այն մարդկանց իրավական հետապնդման հնարավորությունը, ովքեր ներգրավված են այս որոշումների ընդունման և իրականացման մեջ, քանի որ դա միջազգային իրավունքի ուղղակի խախտում է, սեփականության իրավունքի խախտում։ Այսպես, թե այնպես՝ պատասխան կլինի»,- ասել է Պեսկովը։
Ավելի վաղ ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը հայտարարել էր, որ ԵՄ-ն օգոստոսի սկզբին Ուկրաինայի համար զենք գնելու համար կօգտագործի Ռուսաստանի սառեցված ակտիվներից ստացված միջոցների առաջին տրանշը (1,4 միլիարդ եվրո):
