07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
Microsoft-ը համաշխարհային խափանման համար մեղադրում է ԵՄ-ին
Քաղաքականություն
23.07.2024 | 16:58
Microsoft-ը պնդում է, որ Եվրամիությունն անուղղակի մեղավորություն ունի Windows օպերացիոն համակարգի՝ պատմության մեջ ամենամեծ խափանման համար, որը տեղի ունեցավ անցյալ ուրբաթ, գրում է Euronews-ը։
ՏՏ հսկայի ներկայացուցիչները մատնանշում են հակամենաշնորհային համաձայնագիրը, որը կնքվել է ԵՄ-ի և Microsoft-ի միջև 2009 թ.։ Փաստաթուղթը Windows-ի ստեղծողներին պարտավորեցնում էր երրորդ կողմի ծրագրեր մշակողներին տրամադրել օպերացիոն համակարգին հասանելիության նույն մակարդակը, ինչ ունեին հենց Microsoft-ի համապատասխան ծրագրերը։ Այդպիսով՝ Crowdstrike ընկերության ծրագրային ապահովումը, որը պատասխանատու էր անվտանգության համար, ունեցել է ամենաբարձր հասանելիություն՝ օպերացիոն համակարգի միջուկին: Ներդրված ծրագրի թարմացման ձախողումը հանգեցրել է «մահվան կապույտ էկրանին» ողջ մոլորակի մասշտաբով։ Դրա հետևանքով խափանվել է Windows օպերացիոն համակարգով աշխատող շուրջ 8,5 միլիոն համակարգիչ։ Չնայած սա աշխարհում Windows-ով աշխատով համակարգիչների մեկ տոկոսից էլ պակասն է, ազդեցությունը շատ զգալի էր, քանի որ Crowdstrike-ի արտադրանքը հիմնականում օգտագործվում է կորպորացիաների կողմից: Խափանման հետևանքով բազմաթիվ չվերթներ էին հետաձգվել աշխարհի տարբեր երկրներում։
Microsoft-ի ներկայացուցիչները պնդում են, որ խնդիրներից հնարավոր կլիներ խուսափել, եթե միայն Microsoft-ը մուտք ունենար միջուկին։
Այնուամենայնիվ, 2000-ականների սկզբից Եվրահանձնաժողովը համառորեն մեղադրում է լայնորեն օգտագործվող Windows-ի հեղինակներին անարդար մրցակցային առավելություններ ունենալու մեջ:
